တောင်ကြီးတွင် COVID-19 ပိုးတွေ့လူနာတစ်ဦး ထပ်မံတွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, November 23, 2020

တောင်ကြီးတွင် COVID-19 ပိုးတွေ့လူနာတစ်ဦး ထပ်မံတွေ့ရှိ

ကမ္ဘောဇတိုင်း

.

ရှမ်းပြည်နယ်မြို့တော် တောင်ကြီးမြို့တွင် ယနေ့ နိုဝင်ဘာလ ၂၃ ရက်က COVID-19 ရောဂါ ပိုးတွေ့လူနာတစ်ဦး ထပ်မံ တွေ့ရှိခဲ့ကြောင်း သိရသည်။

.

.

“တစ်ဦးတွေ့တာ ဟုတ်ပါတယ်။ မင်္ဂလာဦးမှာ စနေနေ့ (နိုဝင်ဘာ ၂၁ ရက်) က တွေ့တဲ့ အမျိုးသမီးရဲ့ ၁၁ နှစ်အရွယ် သမီးပါ။ လူနာကတော့ ကျန်းမာရေးကောင်းပါတယ်။ အခု စဝ်စံထွန်းဆေးရုံမှာပါ” ဟု ရှမ်းပြည်နယ် ပြည်သူ့ ကျန်းမာရေးနှင့် ကုသရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာ ဇဝနကို က ကမ္ဘောဇတိုင်းသို့ ပြောသည်။

.

ရှမ်းပြည်နယ် ပြည်သူ့ကျန်းမာရေးနှင့် ကုသရေးဦးစီးဌာန အနေဖြင့် COVID-19 ရောဂါ ပိုးတွေ့လူနာနှင့် ထိတွေ့မှု ရှိခဲ့သူများကို Rapid Test Kit ဖြင့် စစ်ဆေးပြီးနောက် ရောဂါပိုးတွေ့ရှိသူများကို ဆေးရုံသို့ ပို့ဆောင်ကာ Tesk Kit ဖြင့် စစ်ဆေးရာတွင် Negative အဖြေထွက်သူများကို ပြည်သူ့ကျန်းမာရေးဆိုင်ရာဓါတ်ခွဲမှုဌာန (တောင်ကြီး) ရှိ PCR စက်ကြီးများဖြင့် ထပ်မံစစ်ဆေးပေးသွားမည်ဖြစ်ကြောင်း သိရသည်။

.

No comments:

Post a Comment

Journal Download

Photo of three cats