ရွာငံမြို့နယ် မြို့ကြီး စစ်ဆေးရေးဂိတ်တွင် ယာဉ်မောင်းတစ်ဦးထံမှ COVID-19 ရောဂါပိုး တွေ့ရှိ

ကမ္ဘောဇတိုင်း

.

ရွာငံမြို့နယ်၊ မြို့ကြီးကျေးရွာ COVID-19 ရောဂါကာကွယ်ရေးနှင့် စစ်ဆေးရေးဂိတ်တွင် ယမန်နေ့ နိုဝင်ဘာလ ၂ ရက်၊ ညပိုင်းက ယာဉ်မောင်းတစ်ဦးထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

.

မြို့ကြီး စစ်ဆေးရေးဂိတ်တွင် မန္တလေးတိုင်းဒေသကြီးမှ ရှမ်းပြည်နယ်အတွင်းသို့ ဝင်ရောက်လာသော ယာဉ်များမှ ယာဉ်မောင်းနှင့် ယာဉ်ပေါ်ပါလာသူများအား Rapid Test Kit ဖြင့် COVID-19 ရောဂါပိုး ရှိ/မရှိ စစ်ဆေးပေးနေစဉ် မန္တလေးမှ အောင်ပန်းမြို့သို့ ကုန်တင်လာသည့် ၁၂ ဘီး ကုန်တင်ယာဉ်မှ အသက် ၂၃ နှစ်အရွယ် ယာဉ်မောင်း အမျိုးသားတွင် COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

အဆိုပါ ပိုးတွေ့လူနာအား မုဒိတာ လူမှုကူညီရေးအသင်းမှ ယာဉ်ဖြင့် ရွာငံပြည်သူ့ဆေးရုံသို့ ပို့ဆောင်ပြီး ဆေးကုသမှုများ ပြုလုပ်ပေးလျက်ရှိကြောင်း သိရသည်။

.