COVID-19 အတည်ပြုလူနာ အသစ် ၁၅၉၂ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၁၀ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၅၉၂ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​နိုဝင်ဘာလ ၁၈ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၄၆၁ ခုအနက် ၁၀ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

အဆိုပါ လူနာများမှာ ​​​ရှမ်းပြည်နယ်​​တောင်ပိုင်း၊ ​က​လောမြို့မှ ၃ ဦး၊ ​အေးသာယာ၊ ​တောင်ကြီး၊ ရပ်​စောက်၊ ပင်​လောင်း၊ ​ကျေးသီး၊ ​ညောင်​ရွှေ၊ ဟိုပုံးမြို့တို့မှ ၁ ဦးစီဖြင့် စုစု​ပေါင်း ၁၀ ဦး ဖြစ်ကြောင်း သိရသည်။

.

" ​တောင်ကြီးနဲ့ ​အေးသာယာ ၂ ​ယောက်က ခရီးသွား ရာဇဝင် ထူးထူးခြားခြား မရှိဘူး၊ Contact အ​နေနဲ့ စစ်လိုက်တဲ့ ၁ ​​ယောက်က ၃ နှစ်က​​လေးပါ။ က​လော ၃ ​ယောက်မှာက ကားသမား Contact က  ၂ ​ယောက်၊ မန္တ​လေးပြန် ၁ ​ယောက်။ ​ကျေးသီးက ရခိုင်က ပြန်လာတာ၊ သူက Quarantine မဝင်ခင် အမျိုးသား တစ်​ယောက်နဲ့ ထိ​တွေ့မှု ရှိခဲ့တယ်။ ရပ်​စောက်က ၁ ​ယောက်က ရန်ကုန်က ပြန်လာတာ၊ Quarantine ထဲ ဝင်​ပေမဲ့ Q အချင်းချင်း ထိ​တွေ့မှု  Contact ရှိခဲ့တယ်။ ပင်​လောင်း ၁ ​ယောက်က မန္တ​လေးပြန်၊ Quarantine မဝင်ခင် သူ့ရွာကို ခဏ ပြန်သွား​တော့ ထိ​တွေ့မှု Contact ရှိခဲ့တယ်။ ဟိုပုံး ၁ ​ယောက်က ဘုန်းကြီး​ကျောင်းက​နေ ပြန်လာတာ။ ​ညောင်​ရွှေ ၁ ​ယောက်က ရန်ကုန်ပြန်ပြီး Quarantine ဝင်​နေသူပါ။" ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​နိုဝင်ဘာလ ၁၈ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၇၃၃၂၂ ဦး ရှိကာ၊ ယင်းအနက် ၁၆၅၀ ဦး သေဆုံး၍ ၅၄၇၆၄ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။