COVID-19 အတည်ပြုလူနာ အသစ် ၁၂၇၇ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၂၁ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၂၇၇ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​နိုဝင်ဘာလ ၁၄ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၄၃၀ ခုအနက် ၂၁ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

အဆိုပါ လူနာများမှာ ​​​ရှမ်းပြည်နယ်​တောင်ပိုင်း၊ ​တောင်ကြီးမြို့မှ ၄ ဦး၊ ကွန်ဟိန်းမြို့မှ ၁ ဦး၊ ဆီဆိုင်မြို့မှ ၁ ဦး၊ ပင်​လောင်းမြို့မှ ၁ ဦး၊ ရှမ်းပြည်​နယ်​မြောက်ပိုင်း၊ ​ကျောက်မဲမှ ၃ ဦး၊ မန္တ​လေးတိုင်း ဒေသကြီး၊ သာစည်မြို့မှ ၁၁ ဦးတို့ ဖြစ်​ပြီး အသွားအလာ ကန့်သတ်ထားသူများ ဖြစ်ကြောင်း သိရသည်။

.

" ရှမ်း​တောင် ၇ ​ယောက်က ရန်ကုန် ပြန်​တွေ၊ Quarantine ဝင်​နေသူ​တွေပါ။ အဲဒီထဲက ကွန်ဟိန်းက ၁ ​ယောက်က​ ရန်ကုန်က အလာ လမ်းမှာတုန်းက RDT နဲ့ စစ်တုန်းက Negative ပြတယ်။ မြို့နယ် ကျန်းမာ​ရေးက Quarantine ဝင်ကို ဝင်ရမယ်ဆိုပြီး Quanantine ဝင်ခိုင်းပြီး စစ်လိုက်တာ။ တရားရုံး​တွေ သွားခဲ့တာ ရှိလို့ contact က အနီးကပ်ထိ​တွေ့သူ ၁၄ ဦး ရှိတယ်။" ဟု ရှမ်းပြည်နယ် ပြည်သူ့ကျန်းမာ​ရေးနှင့် ကုသ​ရေး ဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​နိုဝင်ဘာလ ၁၄ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၆၈၀၁၁ ဦး ရှိကာ၊ ယင်းအနက် ၁၅၅၂ ဦး သေဆုံး၍ ၅၁၃၆၂ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။