COVID-19 အတည်ပြုလူနာ အသစ် ၁၁၃၆ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၁၁ ဦးတွင် ပိုးတွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, November 4, 2020

COVID-19 အတည်ပြုလူနာ အသစ် ၁၁၃၆ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၁၁ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၁၃၆ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​နိုဝင်ဘာလ ၄ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၄၈၅ ခုအနက် ၁၁ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.



အဆိုပါ လူနာများမှာ ​​က​လော၊ ပင်လုံ၊ ​ရွာငံ (မြို့ကြီး) တို့တွင် အသွားအလာ ကန့်သတ်ထားသူများ ဖြစ်​ကြောင်း သိရသည်။

.

" ရွာငံက RDT နဲ့ စစ်လို့ ပိုး​တွေ့ခဲ့တဲ့ မြို့ကြီးအုပ်ချုပ်​ရေးမှူးနဲ့ ထိ​တွေ့တဲ့သူက ၅ ဦး၊ ရန်ကုန်က ပြန်လာပြီး Quarantine ဝင်​နေတဲ့ အမျိုးသမီးရယ်၊ ​ပေါင်း ၆ ​ယောက်။ က​လောက RDT နဲ့ စစ်လို့ ပိုးတွေ့ခဲ့တဲ့ ကားသမား​တွေ့နဲ့ ထိ​တွေ့သူက ၄ ဦး။ ပင်လုံက ၁ ​ယောက်က ရန်ကုန်က ​ကျောင်းတက်ပြီး ပြန်လာတဲ့ ​ပိုး​တွေ့ခဲ့တဲ့ ကျောင်းသားနဲ့ ထိ​တွေ့မှု ရှိတဲ့ ၁ ​ယောက်ပါ။ " ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​နိုဝင်ဘာလ ၄ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၅၆၉၄၀ ဦး ရှိကာ၊ ယင်းအနက် ၁၃၃၀ ဦး သေဆုံး၍ ၄၀၇၇၈ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

No comments:

Post a Comment

Journal Download

Photo of three cats

About