ဟိုပုံးမြို့မှ ဒုတိယမြောက် COVID-19 လူနာသည် လိုင်းကားနှင့် ဆိုင်ကယ်တက္ကစီ စီးနင်းခဲ့သူ ဖြစ်သဖြင့် Contact များအား ရှာဖွေနေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, November 26, 2020

ဟိုပုံးမြို့မှ ဒုတိယမြောက် COVID-19 လူနာသည် လိုင်းကားနှင့် ဆိုင်ကယ်တက္ကစီ စီးနင်းခဲ့သူ ဖြစ်သဖြင့် Contact များအား ရှာဖွေနေ

ကမ္ဘောဇတိုင်း

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့နယ် ပြည်သူ့ဆေးရုံတွင် တက်ရောက်ဆေးကုသမှု ခံယူနေသည့် ဟိုပုံးမြို့မှ ဒုတိယမြောက် COVID-19 အတည်ပြုလူနာသည် Quarantine မဝင်ရောက်မီ လိုင်းကားနှင့် ဆိုင်ကယ်တက္ကစီ စီးနင်းခဲ့သူ ဖြစ်သဖြင့် ၎င်းနှင့် ထိတွေ့ဆက်စပ်မှုရှိသူများအား လိုက်လံရှာဖွေလျက်ရှိကြောင်း ဟိုပုံးမြို့နယ် ပြည်သူ့ ဆေးရုံမှ သိရသည်။

.

.

သူစီးခဲ့တဲ့ ဆိုင်ကယ်သမားတော့ ‌တွေ့ပြီ။ ကားဆရာကတော့ အခုမှ စုံစမ်းနေတုန်းပဲ။ ဒုတိယမြောက် တွေ့တဲ့ လူနာပါ။ လူနာတွေက ကျန်းမာရေး ကောင်းပါတယ်။ ဒေါင်ဒေါင်မြည်ပါပဲ” ဟု ဟိုပုံးပြည်သူ့ဆေးရုံအုပ် ဒေါက်တာ မောင်မောင်သိန်းက ကမ္ဘောဇတိုင်းသို့ ပြောသည်။

.

အဆိုပါ ပိုးတွေ့လူနာသည် ရန်ကုန်တိုင်းဒေသကြီးမှ ပြန်လာသည့် အသက် ၃၁ နှစ်အရွယ် အမျိုးသားဖြစ်ပြီး နိုဝင်ဘာလ ၁၇ ရက်၊ နေ့လယ်ပိုင်းက တောင်ကြီးမှ ဟိုပုံးသို့ နမ့်ဆီး-နောင်လေ လိုင်းကားဖြင့် ပြန်လာကာ ဆိုင်ကယ်တက္ကစီဖြင့် ဟိုပုံးဆေးရုံသို့ လာရောက်ခဲ့ပြီးနောက် ဟိုပုံးမြို့၊ နောင်တောင်း ဓမ္မစကူးလ်၌ Quarantine ဝင်ရောက်နေစဉ် နိုဝင်ဘာလ ၂၃ ရက်က Rapid Test Kit ဖြင့် စစ်ဆေးရာမှ COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

ယင်း ပိုးတွေ့လူနာနှင့် ပတ်သက်၍ ထိတွေ့ဆက်စပ်သူများအား ဆက်သွယ်သတင်းပေးပို့ကြရန် ဟိုပုံး ပြည်သူ့ဆေးရုံက တိုက်တွန်းနှိုးဆော်ထားသည်။

.

No comments:

Post a Comment

Journal Download

Photo of three cats