ရှမ်းပြည်နယ်ရှိ အချုပ်သား ၆၅၀ ကျော် ကြိုတင်မဲ ပေးပြီး ဖြစ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရှမ်းပြည်နယ်ရှိ အချုပ်သား ၆၅၀ ကျော် ကြိုတင်မဲ ပေးပြီး ဖြစ်

ရှမ်းပြည်နယ်အတွင်းရှိ ရဲစခန်းနှင့် အချုပ်အသီးသီး၌ အချုပ်ကျနေသော အချုပ်သား ၆၅၀ ကျော်သည် ကြိုတင်ဆန္ဒမဲ ပေးပြီး ဖြစ်ကြောင်း ရှမ်းပြည်နယ်ရဲတပ်ဖွဲ့မှူးရုံးမှ သိရသည်။

.

တချို့လည်း ပေး ပြီးပါပြီ၊ ပေးဖို့ ကျန်တာတွေလည်း ရှိပါသေးတယ်။ဟု ရှမ်းပြည်နယ်ရဲတပ်ဖွဲ့မှူးရုံးမှ ပြောရေးဆိုခွင့်ရှိသူ ဒုတိယရဲမှူးကြီး ဝင်းသိန်းက ကမ္ဘောဇတိုင်းသို့ ပြောသည်။

.



 

ကြိုတင်မဲ ပေးပြီး ဖြစ်သည့် အချုပ်သား အရေအတွက်မှာ အမျိုးသား ၅၇၇ ဦး၊ အမျိုးသမီး ၇၄ ဦး၊ စုစုပေါင်း ၆၅၁ ဦး ဖြစ်ကြောင်း သိရသည်။

.

ရှမ်းပြည်နယ်အတွင်း၌ အကြောင်း အမျိုးမျိုးကြောင့် အချုပ်ကျ ခံနေရသူမှာ ယနေ့ (နိုဝင်ဘာလ ၁ ရက်)ထိ အမျိုးသား ၁၂၄၈ ဦး၊ အမျိုးသမီး ၁၈၈ ဦး၊ စုစုပေါင်း ၁၄၃၆ ဦး ရှိပြီး ကြိုတင်ဆန္ဒမဲ ပေးရန် ကျန်ရှိသည့် အချုပ်သားများ ဆန္ဒမဲ ပေးခွင့် ရရှိရေးအတွက် ဆောင်ရွက်နေလျက် ရှိကြောင်းလည်း  ဒုတိယရဲမှူးကြီး ဝင်းသိန်းထံမှ သိရသည်။

.

အချုပ် ကျခံနေသူများ အပါအဝင် ရွေးကောက်ပွဲနေ့၌ သက်ဆိုင်ရာ မဲရုံများသို့ သွားရောက်မဲပေးနိုင်ခြင်း မရှိသူများတာဝန်အရ မဲဆန္ဒနယ်ပြင်ပသို့ ရောက်ရှိနေသော နိုင်ငံ့ဝန်ထမ်းများ၊ သက်ကြီးရွယ်အိုများ၊ ဆေးရုံတွင် ဆေးဝါး ကုသနေသူများသည် အောက်တိုဘာလ ၂၉ ရက်မှ စတင်၍ ကြိုတင်ဆန္ဒမဲများ ပေးအပ်နေခြင်း ဖြစ်သည်။

Journal Download

Photo of three cats