နမ့်ခမ်းတွင် လူမှုကူညီရေးအသင်းဝင်တစ်ဦး သေနတ်ပစ်ခတ်ခံရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, November 5, 2020

နမ့်ခမ်းတွင် လူမှုကူညီရေးအသင်းဝင်တစ်ဦး သေနတ်ပစ်ခတ်ခံရ

မင်းဇော်မင်း

.

မူဆယ်ခရိုင်၊ နမ့်ခမ်းမြို့နယ်၊ နောင်စန့်ရပ်ကွက်တွင် နိုဝင်ဘာလ ၄ ရက် ညနေပိုင်းက လူမှုကူညီရေးအသင်းဝင်တစ်ဦး သေနတ်ဖြင့် ပစ်ခတ်ခံရပြီး ဒဏ်ရာများ ရရှိခဲ့ကြောင်း သိရသည်။

.

.

နမ့်ခမ်းမြို့၊ နောင်စန့်ရပ်ကွက်နေ လူမှုကူညီရေးအသင်းဝင် ဦးစိုင်းအောင်ဝင်းသည် နိုဝင်ဘာလ ၄ ရက်၊ ည ၇ နာရီ ၁၅ မိနစ်ခန့်က နေအိမ်ရှေ့တွင် ကားရပ်ထားသည်ကို ကြည့်နေစဉ် အမည်မသိ သေနတ်သမားမှ ဆိုင်ကယ်ဖြင့် ရောက်လာပြီး သေနတ်ဖြင့် ၃ ချက် ပစ်ခတ်သဖြင့် ဒဏ်ရာရရှိခဲ့ပြီး နမ့်ခမ်းဆေးရုံတွင် လုံခြုံရေးအစောင့်များဖြင့် ဆေးကုသမှု ခံယူနေခြင်းဖြစ်ကြောင်း သိရသည်။

.

“သူက အရင်က SNLD က မြို့နယ် EC ကနေ နုတ်ထွက်ထားတာ။ အခုက လူမှုကူညီရေးအသင်းမှာ မြို့ကို ကူညီ နေတာပါ။ အရင်ကလည်း မြို့ဖွံ့ဖြိုးတိုးတက်ရေးအထောက်အကူပြုကော်မတီမှာ အတွင်းရေးမှူးပါ။ ဒဏ်ရာတွေ ကတော့ စိုးရိမ်စရာ မရှိတော့ဘူးလို့ သိရတယ်။ လာပစ်တာ ကြေးစားဖြစ်ဖို့ များတယ်” ဟု နမ့်ခမ်းမြို့နေ မြို့မိမြို့ဖ ဒေါက်တာစိုင်းကျော်အုန်းက ပြောသည်။

.

အဆိုပါ သေနတ်ဖြင့် ပစ်ခတ်မှုကြောင့် ဦးစိုင်းအောင်ဝင်းတွင် တင်ပါးနှင့် ဝမ်းဗိုက် ကျည်ထိမှန်ဒဏ်ရာရရှိခဲ့ပြီး ခွဲစိတ်ကုသမှု ခံယူပြီးဖြစ်ကြောင်း သိရသည်။

.

ပြီးခဲ့သည့် ၂၀၁၅ ခုနှစ်ကလည်း ဦးစိုင်းအောင်ဝင်း၏ နေအိမ်ရှေ့တွင် ဗုံထောင်ခြင်းခံခဲ့ရဖူးကြောင်း သိရသည်။

.

No comments:

Post a Comment

Journal Download

Photo of three cats

About