တောင်ကြီးတွင် ကား ၂ စီး တိုက်မိရာမှ နောက်ထပ် ကား ၂ စီးနှင့် ဆိုင်ကယ် ၁ စီးတို့ကို ဆင့်တိုက်မိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တောင်ကြီးတွင် ကား ၂ စီး တိုက်မိရာမှ နောက်ထပ် ကား ၂ စီးနှင့် ဆိုင်ကယ် ၁ စီးတို့ကို ဆင့်တိုက်မိ

စုလှိုင်

.

တောင်ကြီးမြို့၊ ညောင်ဖြူစခန်းရပ်ကွက်၊ ဗိုလ်ချုပ်အောင်ဆန်းလမ်း၊ မြစပယ်တည်းခိုခန်းရှေ့တွင် နိုဝင်ဘာလ ၂၅ ရက်၊ ည ၉ နာရီခန့်က မော်တော်ယာဉ် ၂ စီး တိုက်မိရာမှ နောက်ထပ် မော်တော်ယာဉ် ၂ စီးနှင့် မော်တော်ဆိုင်ကယ် ၁ စီးတို့ကို ဆင့်တိုက်မိမှု ဖြစ်ပွားခဲ့ကြောင်း သိရသည်။

.

.

တောင်ကြီးမြို့၊ စိန်ပန်းရပ်ကွက်နေ သန်းဝင်း မောင်းနှင်လာသော Micro Bus အမျိုးအစားယာဉ်သည် နိုဝင်ဘာလ ၂၅ ရက်၊ ည ၉ နာရီခန့်က ဗိုလ်ချုပ်အောင်ဆန်းလမ်းအတိုင်း တောင်မှ မြောက်သို့ မောင်းနှင်လာစဉ် အခင်းဖြစ်နေရာ အရောက်တွင် ဗိုလ်ချုပ်အောင်ဆန်းလမ်းပေါ်မှ အနောက်ဘက် ဂုဏ်ထူးလမ်းပေါ်သို့ ချိုးကွေ့ရာ ဗိုလ်ချုပ်အောင်ဆန်း လမ်းအတိုင်း မြောက်မှ တောင်သို့ တောင်ကြီးမြို့၊ လမ်းမတော်ရပ်ကွက်နေ ရန်နောင်စိုး မောင်းနှင်ပြီး မနှင်းနုကိုနှင့် မောင်သက်ဇင်အောင်တို့ လိုက်ပါစီးနင်းလာသည့် Mini Bus အမျိုးအစားယာဉ် ၏ ရှေ့ဘက်ဝဲခြမ်းအား ဝင်ရောက်တိုက်မိရာ ၎င်းယာဉ်မှ ဗိုလ်ချုပ်အောင်ဆန်းလမ်းဘေး၊ မြစပယ်တည်းခိုခန်းရှေ့တွင် ရပ်တန့်ထားသော Mark-II အမျိုးအစားယာဉ်၊ TOYOTA Hiace အမျိုးအစားယာဉ်နှင့် Super ANBO-125 အမျိုးအစာ ဆိုင်ကယ်တို့အား ထပ်မံတိုက်မိခဲ့ခြင်းဖြစ်ကြောင်း သိရသည်။

.

အဆိုပါ ယာဉ်တိုက်မှုကြောင့် ယာဉ်မောင်းသန်းဝင်းတွင် ယာပါးပြင် ဖူးယောင်၊ နှာခေါင်းသွေးထွက်၊ ယာဒူးပွန်း ဒဏ်ရာ၊ မစိုးရိမ်ရ၊ ယာဉ်မောင်း ရန်နောင်စိုးတွင် ဝဲနားရွက် ပြတ်ရှ၊ မေးစေ့အောက် ပွန်း၊ ဝဲလက်ဖမိုး/ဒူးပွန်းဒဏ်ရာ၊ မစိုးရိမ်ရ၊ မနှင်းနုကိုတွင် ဦးခေါင်းနောက်စေ့ ဖူးယောင်ဒဏ်ရာ မစိုးရိမ်ရ၊ သန့်ဇင်အောင်တွင် ယာနားထင် ဖူးယောင်၊ နဖူး သွေးထွက်၊ ယာမျက်ခုံးပေါ် ပြတ်ရှ၊ ဝဲနှုတ်ခမ်းပေါ် ပွန်းပဲ့၊ ဝဲမေးစေ့အောက် ပွန်းပဲ့၊ ဝဲ/ယာလက်ဖမိုးပွန်း၊ ဝဲဒူး/ခြေမ ပွန်းဒဏ်ရာ၊ မစိုးရိမ်ရနှင့် ဆိုင်ကယ်ယာဉ်မောင်း ကျော်ဇောတွင် ဝဲ/ယာဒူး နာကျင်ဒဏ်ရာ မစိုးရိမ်ရ ရရှိခဲ့ကြောင်း သိရသည်။

.

ယာဉ်တိုက်မှုနှင့် ပတ်သက်၍ မော်တော်ယာဉ်အား မဆင်မခြင်မောင်းနှင်ပြီး တစ်ဘက်ယာဉ်ကြော မရှင်းဘဲ လမ်း၏ ဝဲဘက်သို့ အရှိန်ဖြင့် ချိုးကွေ့မောင်းနှင်သဖြင့် ယာဉ်တိုက်မိပြီး မိမိကိုယ်တိုင်နှင့် အခြားသူများအား ထိခိုက်ဒဏ်ရာရရှိ စေသူ ယာဉ်မောင်း သန်းဝင်းအား တောင်ကြီးနယ်မြေရဲစခန်းတွင် ယာဉ် (ပ)၁၇/၂၀၂၀၊ ရာဇသတ်ကြီးဥပဒေပုဒ်မ ၂၇၉/၃၃၈ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

.

Journal Download

Photo of three cats