နမ့်ခမ်းမြို့နယ်ရှိ ရွှေလီမြစ်ကူးကြိုးတံတားဟောင်း ပြိုကျပျက်စီး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, November 23, 2020

နမ့်ခမ်းမြို့နယ်ရှိ ရွှေလီမြစ်ကူးကြိုးတံတားဟောင်း ပြိုကျပျက်စီး

မင်းဇော်မင်း

.

မူဆယ်ခရိုင်၊ နမ့်ခမ်းမြို့နယ်ရှိ ဒုတိယကမ္ဘာစစ်အတွင်းက တည်ဆောက်ခဲ့သည့် ရွှေလီမြစ်ကူးကြိုးတံတားဟောင်း သည် ယနေ့ နိုဝင်ဘာလ ၂၃ ရက်၊ နေ့လယ် ၁၂ နာရီခန့်က မြစ်အတွင်းသို့ ပြိုကျပျက်စီးခဲ့ကြောင်း ဒေသခံများထံက သိရသည်။

.

ဓါတ်ပုံ - စိုင်တွမ်
.

ယင်း ရွှေလီမြစ်ကူး ကြိုးတံတားဟောင်းသည် ဘေလီကြိုးတံတားဖြစ်ပြီး ၁၉၄၂ ခုနှစ်နောက်ပိုင်း ဒုတိယကမ္ဘာစစ် အတွင်းက ဗြိတိသျှ တပ်များမှ ၇ ရက်အတွင်း တည်ဆောက်ခဲ့သည့် တံတားတစ်စင်းဖြစ်သည်ဟု နမ့်ခမ်းဒေသခံ ဒေါက်တာ စိုင်းကျော်အုန်း ထံက သိရသည်။

.

“အရင်ကတော့ သုံးတယ်။ နောက်ပိုင်း တံတားအသစ်ရှိလာပြီးနောက် မသုံးတော့ပေမဲ့ ခြေလျင်တော့ သွားလာနေ ကြတာရှိတယ်။ မသုံးတော့တာ သိပ်မကြာသေးဘူး” ဟု ဒေါက်တာ စိုင်းကျော်အုန်းက ကမ္ဘောဇတိုင်းသို့ ပြောသည်။

.

အဆိုပါ ရွှေလီမြစ်ကူး ကြိုးတံတားဟောင်းသည် အရှည် ပေ ၃၀၀ ခန့်ရှိပြီး တစ်လမ်းသွား အနေဖြင့် လွန်ခဲ့သည့် ၂၀၁၂ ခုနှစ် ခန့်အထိ အသုံးပြုခဲ့ကာ ယင်းတံတားမှတစ်ဆင့် မန်ဝိန်းကြီးဘက်ရှိ ဟန်ကမ်း ကျေးရွာသို့ သွားရောက်နိုင် ကြောင်း သိရသည်။

.


.

No comments:

Post a Comment

Journal Download

Photo of three cats