ကလောတွင် အမျိုးသားတစ်ဦး မိမိကိုယ်ကို ဓါးဖြင့်လှီးဖြတ် သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, November 3, 2020

ကလောတွင် အမျိုးသားတစ်ဦး မိမိကိုယ်ကို ဓါးဖြင့်လှီးဖြတ် သေဆုံး

ခွန်သန်းအောင်

.

ကလောမြို့၊ အမှတ် (၉) ရပ်ကွက်တွင် ယမန်နေ့ နိုဝင်ဘာလ ၂ ရက်၊ ညနေပိုင်းက အမျိုးသားတစ်ဦ; မိမိကိုယ်ကို ဓါးဖြင့် လှီးဖြတ်သေဆုံးမှု ဖြစ်ပွားခဲ့ကြောင်း သိရသည်။

.



.

သေဆုံးသူမှာ ကလောမြို့၊ အမှတ် (၉) ရပ်ကွက်၊ နှီးဘုရားလမ်းနေ စိုင်းရန်မျိုးအောင် (၃၇ နှစ်) ဆိုသူဖြစ်ပြီး ၎င်း၏ အိပ်ခန်းအတွင်း ယာလက်ကောက်ဝတ် ပြတ်ရှဒဏ်ရာတစ်ချက်၊ ယာလက်ဖျံအတွင်း ပြတ်ရှဒဏ်ရာတစ်ချက်၊ ဝဲ လက်ကောက်ဝတ် ပြတ်ရှဒဏ်ရာ ၃ ချက်ဖြင့် အိပ်ရာအတွင်း ဘေးတစ်စောင်းအနေအထားဖြင့် သေဆုံးနေခြင်း ဖြစ်ကာ ၎င်း၏အနီးတွင် သွေးများပေကျံထင်စွန်းနေသော စတီးဓါးတစ်ချောင်းအား တွေ့ရှိခဲ့ရကြောင်း သိရသည်။

.

ဆက်လက်ပြီး စုံစမ်းရာ သေဆုံးသူမှာ လွန်ခဲ့သော ၅ လခန့်မှ စတင်၍ အရက်အလွန်အကျွံသောက်သုံးပြီး စိတ် ကစဉ့်ကလား ဖြစ်နေကာ ညစဉ်ညတိုင်း အိမ်ရှိလူများကို ရန်ရှာလေ့ရှိကြောင်းနှင့် နိုဝင်ဘာလ ၁ ရက်၊ ည ၇ နာရီခွဲ အချိန်ခန့်က အရက်သေစာ သောက်စားမူးယစ်ပြီး မိခင်နှင့် ညီဖြစ်သူတို့အား ရန်ရှာသဖြင့် မိခင်နှင့် ညီမှ ၎င်း၏ ဖခင် နေထိုင်ရာ နေအိမ်တွင် သွားရောက်တိမ်းရှောင်နေခဲ့ကာ နိုဝင်ဘာလ ၂ ရက်၊ ညနေ ၅ နာရီတွင် ညီဖြစ်သူ နေအိမ်သို့ ပြန်လည် ရောက်ရှိလာကာ အော်ခေါ်ရာ ပြန်လည်ဖြေကြားခြင်းမရှိဘဲ တံခါးအတွင်းဘက်မှ ဂျက်ချထားသဖြင့် နံရံအပေါက်မှ ချောင်းကြည့်ရာ စိုင်းရန်မျိုးအောင်အား သွေများပေကျံလျက် သေဆုံးနေသည်ကို တွေ့ရှိခဲ့ရခြင်း ဖြစ်ကြောင်း သိရသည်။

.

အဆိုပါ စိုင်းရန်မျိုးအောင် သေဆုံးမှုနှင့် ပတ်သက်၍ ဓမ္မတာအတိုင်းသေဆုံးခြင်းဟုတ်/မဟုတ် သိရှိနိုင်ရန် အမှုဖွင့် စစ်ဆေးဆောင်ရွက်လျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About