လားရှိုးတွင် ပါဆယ်ဖြင့် ပို့ဆောင်မည့် ငွေကျပ်သိန်း ၆၀၀ တန်ဖိုးရှိ မူးယစ်ဆေးဝါးများ ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

လားရှိုးတွင် ပါဆယ်ဖြင့် ပို့ဆောင်မည့် ငွေကျပ်သိန်း ၆၀၀ တန်ဖိုးရှိ မူးယစ်ဆေးဝါးများ ဖမ်းမိ

စိုင်းသိင်္ခသူ

.

လားရှိုးမြို့တွင် ယနေ့ နိုဝင်ဘာလ ၁၂ ရက်၊ နေ့လယ်ပိုင်းက အဝေးပြေးကားဂိတ်မှတစ်ဆင့် ပါဆယ်ဖြင့် ပို့ဆောင်မည့် ငွေကျပ် သိန်း ၆၀၀ တန်ဖိုးရှိ မူးယစ်ဆေးဝါးများအား သယ်ဆောင်လာသူ အမျိုးသား ၂ ဦးနှင့်အတူ ဖမ်းဆီးရမိ ခဲ့ကြောင်း သိရသည်။

.

ဓါတ်ပုံ - လားရှိုးမြို့မရဲစခန်း


.

လားရှိုးမြို့မရဲစခန်းမှ ရဲတပ်ဖွဲ့ဝင်များ ပါဝင်သော ပူးပေါင်းအဖွဲ့သည် နိုဝင်ဘာလ ၁၂ ရက်၊ နေ့လယ် ၁၁ နာရီအချိန်က မူးယစ်ဆေးဝါးသတင်းအရ လားရှိုးမြို့၊ နားမခေါ်ကာဝင်းအတွင်း စောင့်ဆိုင်းနေစဉ် လားရှိုး-ရန်ကုန်ပြေးဆွဲနေသည့် ရာဇာထွန်း ယာဉ်လိုင်းသို့ မော်တော်ယာဉ်တစ်စီး ရောက်ရှိလာပြီး ယာဉ်ပေါ်မှ အမျိုးသား ၂ ဦး ဆင်းကာ ဂျပ်ဖာ တစ်ခုအား ပါဆယ်ပို့ဆောင်ရန် သယ်ဆောင်လာသည်ကို တွေ့ရှိသဖြင့် စစ်ဆေးရာ ၎င်းတို့ သယ်ဆောင် လာသည့် ဂျပ်ဖာအတွင်း၌ သကြား ၅၀ ကျပ်သားပါသည့် အထုပ် ၂ ထုပ် အပြင် တရုတ်နိုင်ငံထုတ် Portable Speaker ၉ လုံး အတွင်း  အနက်ရောင်တိပ်ဖြင့်ပတ်ထားသည့် အိတ်များအတွင်း WY စာတမ်းပါသည့် စိတ်ကြွရူးသွပ်ဆေးပြား စုစုပေါင်း ၆၀၀၀၀ ပြား၊ ဒေသပေါက်ဈေး တန်ဖိုး ငွေကျပ် သိန်း ၆၀၀ အား တွေ့ရှိသိမ်းဆည်းရမိခဲ့ခြင်း ဖြစ်ကြောင်း သိရသည်။

.

အဆိုပါ မူးယစ်ဆေးဝါးများနှင့်အတူ ဖမ်းဆီးရမိသူ စိုင်းခေးနှင့် စိုင်းဆိုင်လိုင်းတို့ ၂ ဦးအား လားရှိုးမြို့မရဲစခန်းတွင် မယ(ပ) ၁၅၉/၂၀၂၀၊ မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ ၁၉(က)/၂၀(က)/၂၁ ဖြင့် အမှုဖွင့်အရေးယူထားပြီး ကွင်းဆက်များ စစ်ဆေးဖော်ထုတ်လျက်ရှိကြောင်း သိရသည်။

.

Journal Download

Photo of three cats