ရှမ်းပြည်နယ်အတွင်းရှိ ဘာသာရေးအဆောက်အဦများနှင့် စားသောက်ဆိုင်များ ပြန်လည်ဖွင့်လှစ်ရန် မဖြစ်နိုင်သေး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, November 21, 2020

ရှမ်းပြည်နယ်အတွင်းရှိ ဘာသာရေးအဆောက်အဦများနှင့် စားသောက်ဆိုင်များ ပြန်လည်ဖွင့်လှစ်ရန် မဖြစ်နိုင်သေး

ကိုစိုး (ကမ္ဘောဇတိုင်း)

.

ရှမ်းပြည်နယ်အတွင်းရှိ အထင်ကရ ဘုရားစေတီများ၊ ဘာသာရေးဆိုင်ရာ အဆောက်အဦများနှင့် စားသောက် ဆိုင်များ အား လတ်တလောတွင် ပြန်လည်ဖွင့်လှစ်ရန် မဖြစ်နိုင်သေးကြောင်း ရှမ်းပြည်နယ်အစိုးရထံက သိရသည်။

.

.

အဆိုပါ ဘုရားစေတီများ၊ ဘာသာရေးဆိုင်ရာအဆောက်အဦနှင့် စားသောက်ဆိုင်များအား COVID-19 ရောဂါ ကာကွယ် ထိန်းချုပ်ကုသရေး အမျိုးသားအဆင့်ဗဟိုကော်မတီ\ ညွှန်ကြားချက် ရရှိလာပါက ဖွင့်လှစ်နိုင်ရေးအတွက် စစ်ဆေးမှု များကိုမူ ဆောင်ရွက်နေလျက်ရှိကြောင်း သိရသည်။

.

ခွင့်ပြုချက်ရရင် ဖွင့်နိုင်အောင် ကြိုတင်စစ်ဆေးနေတဲ့ သဘောပါ။ ညွှန်ကြားချက်ကတော့ ရှိပြီးသားပါ။ COVID-19 ရောဂါ တိုးနေရင် ဖွင့်မှာမဟုတ်ပါဘူး။ အခုလတ်တလောမှာတော့ စည်းကမ်းတွေ ပိုပြီး တင်းကြပ်ထားပါတယ်။ တင်းကြပ်တာက တစ်ပိုင်းပေါ့။ နောက်ဖွင့်နိုင်ဖို့အတွက် ကြိုတင်ပြင်ဆင်တဲ့သဘောပါ။ လတ်တလော ဖွင့်ဖို့တော့ မဖြစ်နိုင်သေးပါဘူး” ဟု ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်းက ကမ္ဘောဇတိုင်းသို့ ပြောသည်။

.

မြန်မာနိုင်ငံတွင် မတ်လ ၂၃ ရက်မှ နိုဝင်ဘာလ ၂၀ ရက်၊ ညပိုင်းအထိ COVID-19 ပိုးတွေ့ အတည်ပြုလူနာ ၇၆၄၁၄ ဦး ရှိလာပြီးဖြစ်ပြီး ယင်းအနက် ၁၆၉၅ ဦး သေဆုံး၍ ၅၆၆၀၁ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကာ ရှမ်းပြည်နယ်တောင်ပိုင်း ဒေသအတွင်း၌လည်း နိုဝင်ဘာလ ဒုတိယပတ်မှ စတင်၍ COVID-19 ပိုးတွေ့လူနာအရေအတွက် မြင့်တက်လာနေလျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About