တောင်ကြီးတွင် အရှိန်မထိန်းနိုင်သော မော်တော်ဆိုင်ကယ်မှ လမ်းဘေးဓါတ်တိုင်အား ဝင်ရောက်တိုက်မိပြီး တစ်ဦးသေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, November 13, 2020

တောင်ကြီးတွင် အရှိန်မထိန်းနိုင်သော မော်တော်ဆိုင်ကယ်မှ လမ်းဘေးဓါတ်တိုင်အား ဝင်ရောက်တိုက်မိပြီး တစ်ဦးသေဆုံး

ကမ္ဘောဇတိုင်း

.

တောင်ကြီးမြို့၊ ဘုရားဖြူရပ်ကွက် (ဂနိုင်ရွေးကျေးရွာအနီး)၊ ပန်းတင်လမ်းမကြီးပေါ်တွင် ယမန်နေ့ နိုဝင်ဘာလ ၁၂ ရက်၊ ညပိုင်းက အရှိန်မထိန်းနိုင်သော မော်တော်ဆိုင်ကယ်မှ လမ်းဘေးဓါတ်တိုင်အား ဝင်ရောက်တိုက်မိပြီး တစ်ဦးသေဆုံးကာ တစ်ဦး ဒဏ်ရာရရှိခဲ့ကြောင်း သိရသည်။

.

.

မန္တလေးတိုင်းဒေသကြီး၊ ပြင်ဦးလွင်မြို့နယ်နေ ရဲဇော် (၂၈ နှစ်) မောင်းနှင်ပြီး နောက်တွင် တောင်ကြီးမြို့နယ်၊ ဂနိုင်ရွေး ကျေးရွာနေ ကိုကိုလွင် လိုက်ပါစီးနင်းလာသော ဆိုင်ကယ်သည် နိုဝင်ဘာလ ၁၂ ရက်၊ ည ၉ နာရီခန့်က ပန်းတင် လမ်းမကြီးအတိုင်း အနောက်မှ အရှေ့သို့ မောင်းနှင်လာစဉ် ဂနိုင်ရွေးကျေးရွာအနီး၊ ဆန္ဒဗွေး စေတီရှေ့ အရောက်တွင် အရှိန်မထိန်းနိုင်ဘဲ လမ်း၏ဝဲဘက်ရှိ ဓါတ်တိုင်အား ဝင်ရောက်တိုက်မိပြီး ဆိုင်ကယ်တိမ်းမှောက်ခဲ့ခြင်းဖြစ်ကြောင်း သိရသည်။

.

အဆိုပါ ဆိုင်ကယ်တိမ်းမှောက်မှုကြောင့် ဆိုင်ကယ်မောင်းနှင်သူ ရဲဇော်တွင် နှာခေါင်းသွေးထွက်၊ လည်ပင်းရိုးကျိုး ဒဏ်ရာများ ရရှိခဲ့ပြီး ဆေးကုသမှု ပေးနေစဉ် သေဆုံးခဲ့ကာ နောက်မှလိုက်ပါလာသူ ကိုကိုလွင်တွင် ဦးခေါင်းမူးဝေ၊ နဖူးထိပ် ပေါက်ပြဲ၊ ဝဲ/ယာလက်ခုံ ပွန်းခြစ်ဒဏ်ရာများ ရရှိခဲ့ကြောင်း သိရသည်၊။

.

ဆိုင်ကယ်တိမ်းမှောက်မှုနှင့် ပတ်သက်၍ မဆင်မခြင်မောင်းနှင်သူ ဆိုင်ကယ်ယာဉ်မောင်း ရဲဇော်အား တောင်ကြီး နယ်မြေရဲစခန်းတွင် ယာဉ် (ပ)၁၆/၂၀၂၀၊ ရာဇသတ်ကြီးဥပဒေပုဒ်မ ၂၇၉/၃၃၈/၃၀၄-က အရ အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About