တောင်ကြီး-ဟိုပုံးသွား လမ်းမပေါ်တွင် ယာဉ်တိုက်မှု ဖြစ်၍ အမျိုးသား တစ်ဦး သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, November 14, 2020

တောင်ကြီး-ဟိုပုံးသွား လမ်းမပေါ်တွင် ယာဉ်တိုက်မှု ဖြစ်၍ အမျိုးသား တစ်ဦး သေဆုံး

စုလှိုင်

.

တောင်ကြီးမြို့၊ သစ်တောရပ်ကွက်၊ တောင်ကြီး- ဟိုပုံးသွား ပြည်ထောင်စုလမ်းမ မိုင်တိုင်(၁၁၉/၄)နှင့် (၁၁၉/၅) ကြား၌ နိုဝင်ဘာလ ၁၃ ရက် ၇ နာရီခန့်က ယာဉ်တိုက်မှု ဖြစ်၍ ဆိုင်ကယ် မောင်းနှင်သူ အမျိုးသား တစ်ဦး သေဆုံးခဲ့ကြောင်း သိရသည်။

.


တောင်ကြီးမြို့၊ ဘုရားဖြူရပ်ကွက်နေ ခွန်သိန်းတန် မောင်းနှင်လာသော မော်တော်ယာဉ်သည် အရှိန် မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိပြီး မျက်နှာချင်းဆိုင်ဘက်မှ တောင်ကြီးမြို့နယ်၊ မဲတောင်းကျေးရွာနေ ကိုဇေယျ မောင်းနှင်ပြီး မသင်းသင်းနှင့် မောင်ပိုင်ပိုင်တို့ လိုက်ပါ စီးနင်းလာသော မော်တော်ဆိုင်ကယ်အား ဝင် တိုက်မိခြင်း ဖြစ်ကြောင်း အမှတ်(၁၈)ယာဉ်ထိန်းရဲဒုတပ်ဖွဲ့ခွဲမှူးရုံးမှ သိရသည်။

.

အဆိုပါ ယာဉ်တိုက်မှုကြောင့် ကိုဇေယျတွင် ယာနားထင်သွေးထွက် ၊ နဖူးပေါက်ပြဲ သွေးထွက်၊ မေးစေ့အောက် ပွန်းပဲ့ ဒဏ်ရာများ ရရှိကာ သေဆုံးခဲ့ရပြီး မသင်းသင်းတွင် နဖူးပေါက်ပြဲဒဏ်ရာ၊ နှာခေါင်းပွန်း၊ ယာလက်ညှိးပွန်း၊ ယာခြေသလုံး/ခြေမပွန်း ဒဏ်ရာများ ရရှိခဲ့ကြောင်း သိရသည်။

.

ယင်းကဲ့သို့ မော်တော်ယာဉ်အား မဆင်မခြင် မောင်းနှင်သူ ယာဉ်မောင်း ခွန်သိန်းတန်အား တောင်ကြီး မြို့မရဲစခန်းတွင် ယာဉ်(ပ)၂၅/၂၀၂၀ ရာဇသတ်ကြီးပုဒ်မ- ၂၇၉/ ၃၃၈/ ၃၀၄ -က ဖြင့် အမှုဖွင့် အရေးယူ ဆောင်ရွက်ထားကြောင်း သိရသည်။

No comments:

Post a Comment

Journal Download

Photo of three cats