တောင်ကြီးတက္ကသိုလ် Quarantine Center မှ အမျိုးသမီးတစ်ဦး အဓမ္မ ပြုကျင့်ခံရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, November 30, 2020

တောင်ကြီးတက္ကသိုလ် Quarantine Center မှ အမျိုးသမီးတစ်ဦး အဓမ္မ ပြုကျင့်ခံရ

တောင်ကြီးတက္ကသိုလ်ရှိ Quarantine Center တွင် အသွားအလာ ကန့်သတ်ထားသည့် အမျိုးသမီး တစ်ဦးသည် နိုဝင်ဘာလ ၂၉ ရက်၊ ညပိုင်းက အဓမ္မ ပြုကျင့်ခံရကြောင်း သိရသည်။

.


အဆိုပါ အဓမ္မ ပြုကျင့်ခံရသူသည် မြဝတီဘက်မှ ပြန်လာပြီးနောက် တောင်ကြီးတက္ကသိုလ်တွင် Quarantine ဝင်ရောက်နေသည့် ဟိုပုံးမြို့နယ်နေ အသက် ၃၃ နှစ်အရွယ် အမျိုးသမီး ဖြစ်ကာ Quarantine Center ရှိ အခန်းအတွင်း ဘုရား ဝတ်ပြုနေစဉ် အရပ် ၅ ပေ ၃ လက်မခန့်၊ ဆံပင်တို၊ အင်္ကျီလက်ရှည်(အနက်)၊ ဘောင်းဘီ(အနက်) ဝတ်ဆင်ထားသော အမည်မသိ အမျိုးသားမှ အခန်းတွင်းသို့ ရောက်ရှိလာပြီး အသင့်ယူဆောင်လာသော ဓားဖြင့် လည်းပင်းအား ထောက်၍ မအော်နဲ့ တိတ်တိတ်နေဟု ပြောကာ အလိုမတူဘဲ အဓမ္မ ပြုကျင့်၍ “ အော်လျှင် သတ်ပစ်မည်ဟု ခြိမ်းခြောက် ပြောဆိုကာ ထွက်ပြေးသွားခဲ့ခြင်း ဖြစ်ကြောင်း သိရသည်။

.

ဖြစ်စဉ် အခြေအနေနှင့် ပတ်သက်၍ တောင်ကြီးမြို့မရဲစခန်းမှ စခန်းမှူး ဒုရဲမှူး ထက်နိုင်ဟိန်းအား ဆက်သွယ် မေးမြန်းရာတွင် “ စစ်နေတုန်းပဲ ရှိပါသေးတယ် အတိအကျ ပြောလို့ မရသေးဘူး။ဟု ကမ္ဘောဇတိုင်းသို့ ပြောသည်။

.

ယင်းကဲ့သို့ အလိုမတူဘဲ သားမယားအဖြစ် အဓမ္မ ပြုကျင့်သွားသော အမည်မသိ အမျိုးသားအား တောင်ကြီး မြို့မရဲစခန်းတွင် (ပ) ၅၉၇/၂၀၂၀၊ ရာဇသတ်ကြီးပုဒ်မ ၃၇၆ ဖြင့် အမှုဖွင့်၍ ဖမ်းဆီးရမိရေး ဆောင်ရွက်လျက် ရှိကြောင်း သိရသည်။

No comments:

Post a Comment

Journal Download

Photo of three cats