စဝ်စံထွန်းဆေးရုံတွင် ဆေးကုသမှု ခံယူနေသည့် COVID-19 လူနာ ၁၀ ဦး ရှိပြီး တစ်ဦးကို အထူးစောင့်ကြပ်ကုသနေ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, October 17, 2020

စဝ်စံထွန်းဆေးရုံတွင် ဆေးကုသမှု ခံယူနေသည့် COVID-19 လူနာ ၁၀ ဦး ရှိပြီး တစ်ဦးကို အထူးစောင့်ကြပ်ကုသနေ

ကမ္ဘောဇတိုင်း

.

တောင်ကြီးမြို့၊ စဝ်စံထွန်းဆေးရုံကြီးတွင် လက်ရှိ တက်ရောက်ဆေးကုသမှု ခံယူနေသည့် COVID-19 ရောဂါ အတည်ပြု လူနာ ၁၀ ဦး ရှိနေပြီး ၎င်းတို့အနက် တစ်ဦးကို အထူးစောင့်ကြပ် ကြည့်ရှု၍ ကုသမှု ပေးနေကြောင်း သိရသည်။

.

.

“လောလောဆယ် မနေ့က နမ့်စန်ကနေ ဆေးရုံလာတက်တဲ့ တစ်ယောက်ကတော့ အထူးစောင့်ကြပ်ကြည့်ရှုရတဲ့ အခြေအနေမှာ ရှိပါတယ်။ မောနေတယ်ဆိုတော့ သူ့အခြေအနေက ပြောလို့တော့ မရဘူး။ လက်ရှိ ပိုးတွေ့လူနာ ၁၀ ယောက် ကျန်ပါတယ်” ဟု တောင်ကြီးမြို့၊ စဝ်စံထွန်းဆေးရုံမှ ဒေါက်တာဝေဝေမွန်က ကမ္ဘောဇတိုင်းသို့ ပြောသည်။

.

ယင်း နမ့်စန်မြို့မှ လူနာသည် စက်တင်ဘာလ ၂၂ ရက်က COVID-19 ရောဂါပိုး တွေ့ရှိပြီးနောက် ဖောင်ကြီး COVID-19 ကုသရေးစင်တာတွင် ဆေးကုသမှု ခံယူပြီး ပြန်လည် သက်သာလာသဖြင့် နမ့်စန်မြို့သို့ ပြန်လည် ရောက်ရှိကာ Quarantine ဝင်ရောက်နေစဉ် ဓါတ်ခွဲနမူနာအား စစ်ဆေးစဉ် ဒုတိယအကြိမ် ပိုး ထပ်မံတွေ့ရှိခြင်း ဖြစ်ကြောင်း သိရသည်။

.

မြန်မာနိုင်ငံတွင် မတ်လ ၂၃ ရက်မှ ​အောက်တိုဘာလ ၁၆ ရက်၊ ည ၈ နာရီထိ COVID-19 ပိုးတွေ့ အတည်ပြုလူနာ ၃၃၄၈၈ ဦး ရှိကာ၊ ယင်းအနက် ၇၉၉ ဦး သေဆုံး၍ ၁၅၄၇၇ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

.

No comments:

Post a Comment

Journal Download

Photo of three cats

About