တာချီလိတ်တွင် ကျပ်သိန်း ၈၄၀၀ ကျော်တန်ဖိုးရှိ စိတ်ကြွရူးသွပ်ဆေးများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, October 6, 2020

တာချီလိတ်တွင် ကျပ်သိန်း ၈၄၀၀ ကျော်တန်ဖိုးရှိ စိတ်ကြွရူးသွပ်ဆေးများ ဖမ်းမိ

တာချီလိတ်မြို့တွင် ကျပ်သိန်း ၈၄၀၀ ကျော် တန်ဖိုးရှိ စိတ်ကြွရူးသွပ်ဆေးများကို အောက်တိုဘာလ ၅ ရက်၊ ညပိုင်းက ဖမ်းမိခဲ့ကြောင်း သိရသည်။

.


တာချီလိတ်မြို့နယ်အတွင်း လုံခြုံရေးပူးပေါင်းအဖွဲ့သည် သတင်းအရ စောင့်ဆိုင်းနေစဉ် ပုန်းထွန်ရပ်ကွက်မှ ဟောင်လိတ် ရပ်ကွက်ဘက်သို့ နမ့်စန်မြို့နယ်၊ ပန်လင်းဆိုင်ကျေးရွာနေ ဆွေအောင်(ခ) အိုက်ခမ်း မောင်းနှင်လာသည့် Toyota Hilux Revo အမျိုးအစား လိုင်စင်မဲ့မော်တော်ယာဉ်အား ရပ်တန့် စစ်ဆေးရာ ယာဉ်မောင်းထိုင်ခုံ နောက်ခန်းအတွင်း ဆာလာအိတ် ၉ အိတ်ဖြင့် ထည့်ထားသည့် WY စာတန်းပါ စိတ်ကြွရူးသွပ်ဆေးပြား ၁၆၉၈၀၀၀ ပြား (ကာလတန်ဖိုးငွေ ကျပ်သိန်း ၈၄၉၀ ခန့်) အား ဖမ်းဆီးရမိခဲ့ခြင်း ဖြစ်ကြောင်း သိရသည်။

.

အဆိုပါ စိတ်ကြွရူးသွပ်ဆေးပြားများ၊ လိုင်စင်မဲ့ယာဉ်နှင့်အတူ ဖမ်းဆီးရမိသည့် ဆွေအောင်(ခ) အိုက်ခမ်းအား ဥပဒေနှင့်အညီ အရေးယူဆောင်ရွက်နိုင်ရေးအတွက် တာချီလိတ် မြို့မရဲစခန်းသို့ လုံခြုံရေး ပူးပေါင်းအဖွဲ့က လွှဲပြောင်းအပ်နှံထားကြောင်း သိရသည်။

.

No comments:

Post a Comment

Journal Download

Photo of three cats

About