ရွှေညောင်တွင် အရှိန်မထိန်းနိုင်သော ဆိုင်ကယ်မှ ရပ်ထားသော မော်တော်ယာဉ်အား တိုက်မိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, October 20, 2020

ရွှေညောင်တွင် အရှိန်မထိန်းနိုင်သော ဆိုင်ကယ်မှ ရပ်ထားသော မော်တော်ယာဉ်အား တိုက်မိ

စုလှိုင်

.

တောင်ကြီးမြို့နယ်၊ ရွှေညောင်မြို့၊ ဓနသိဒ္ဓိရပ်ကွက်တွင် ယနေ့ အောက်တိုဘာလ ၂၀ ရက်၊ နံနက်ပိုင်းက အရှိန် မထိန်း နိုင်သော ဆိုင်ကယ်မှ တစ်ဘက်ယာဉ်ကြောရှိ ရပ်ထားသော မော်တော်ယာဉ်အား ဝင်ရောက်တိုက်မိပြီး ဆိုင်ကယ် မောင်းနှင်သူ ထိခိုက်ဒဏ်ရာရရှိခဲ့ကြောင်း သိရသည်။

.



.

ရွှေညောင်မြို့၊ ရွှေဘုံသာရပ်ကွက်နေ အောင်ဖြိုးဝင်းသည် အောက်တိုဘာလ ၂၀ ရက်၊ နံနက် ၇ နာရီခန့်က ရွှေညောင်မြို့၊ ဓနသိဒ္ဓိရပ်ကွက်၊ သီတာလမ်းအတိုင်း အရှေ့မှ အနောက်သို့ မောင်းနှင်လာစဉ် Crown အအေးနှင့် မာလာဟင်းဆိုင်ရှေ့ အရောက်တွင် အရှိန်မထိန်းနိုင်ဘဲ တစ်ဘက်ယာဉ်ကြောသို့ ရောက်ရှိကာ လမ်းဘေးတွင် ရပ်ထားသော မော်တော်ယာဉ်အား ဝင်ရောက်တိုက်မိခဲ့ခြင်းဖြစ်ကြောင်း သိရသည်။

.

အဆိုပါ ယာဉ်တိုက်မှုကြောင့် အောင်ဖြိုးဝင်းတွင် ယာဂျိုစောင်းပေါက်ပြဲ၊ ယာနားသွေးထွက်၊ ဝဲပါးပေါက်ပြဲ၊ မေးစေ့ကွဲရှ (စိုးရိမ်ရ) ဒဏ်ရာများ ရရှိခဲ့ကြောင်း သိရသည်။

.

သို့ဖြစ်၍ ဆိုင်ကယ်အား မဆင်မခြင် မောင်းနှင်သူ ဆိုင်ကယ်ယာဉ်မောင်း အောင်ဖြိုးဝင်းအား ရွှေညောင် နယ်မြေ ရဲစခန်းတွင် ယာဉ် (ပ)၃၄/ ၂၀၂၀ ရာဇသတ်ကြီးပုဒ်မ ၂၇၉ /၃၃၇/ ၃၃၈ အရ အမှုဖွင့် အရေးယူစစ်ဆေး ဆောင်ရွက်လျက် ရှိကြောင်း သိရသည်။

.

No comments:

Post a Comment

Journal Download

Photo of three cats