ရှမ်းမြောက်သို့ အဝင်ကားများ ကျန်းမာရေးထောက်ခံချက် ပါရှိပါက Quarantine ဝင်ရောက်ရန် မလိုအပ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, October 5, 2020

ရှမ်းမြောက်သို့ အဝင်ကားများ ကျန်းမာရေးထောက်ခံချက် ပါရှိပါက Quarantine ဝင်ရောက်ရန် မလိုအပ်

မင်းဇော်မင်း

.

ရှမ်းပြည်နယ်မြောက်ပိုင်းဒေသသို့ ဝင်ရောက်လာသည့် ကားများအနက် ကျန်းမာရေးထောက်ခံချက်နှင့် ရပ်ကွက်/ ကျေးရွာအုပ်စု ထောက်ခံချက်များ ပြည့်စုံစွာ ပါရှိပါက Quarantine ဝင်ရောက်ရန် လိုအပ်မည်မဟုတ်ကြောင်း သိရသည်။

.

.

“နောင်ချို မရောက်ခင် ဘန့်ဘွေးနဲ့ မြစ်ခြေမှာ Rapid Test Kit တွေနဲ့စစ်တယ်။ အထွက်ကားတွေကို ထောက်ခံချက် ပေးပြီး အဝင်ကားတွေမှာ ကျန်းမာရေးထောက်ခံချက်နဲ့ ရပ်ကွက်/ကျေးရွာ ထောက်ခံချက်တွေပါရင် Quarantine ဝင်စရာမလိုဘူး။ ဝင်ခွင့်ပြုတယ်” ဟု နောင်ချိုမြို့နယ် မဲဆန္ဒနယ်အမှတ် (၂) မှ ရှမ်းပြည်နယ်လွှတ်တော် ကိုယ်စား လှယ် ဦးမြင့်ဆွေက ပြောသည်။

.

ယင်းကဲ့သို့ ရှမ်းပြည်နယ်မြောက်ပိုင်းသို့ ဝင်ရောက်လာသည့် ကားများသည် လမ်းတစ်လျှောက် မြို့ရှောင်လမ်းများကို အသုံးပြုသွားလာရန် လိုအပ်ပြီး ကားပျက်သည်မှအပ မြို့တွင်း ရပ်နားခွင့်၊ ဖြတ်သန်းခွင့်မပြုကြောင်း သိရသည်။

.

ယမန်နေ့ အောက်တိုဘာလ ၄ ရက်က ရှမ်းပြည်နယ်မြောက်ပိုင်းသို့ ဝင်ရောက်လာသည့် ကုန်တင်ယာဉ်များမှ ယာဉ်မောင်းနှင့် ယာဉ်နောက်လိုက်များအနက် ကျောက်မဲတွင် တစ်ဦး၊ မူဆယ်တွင် တစ်ဦး COVID-19 ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

ထို့အပြင် သိန္နီ-ကွမ်းလုံ-ချင်းရွှေဟော် လမ်းပိုင်းသို့ သွားရောက်သည် ကုန်တင်ယာဉ်များအနေဖြင့် ကွမ်းလုံမြို့နယ်၊ ဟိုလီ ကျေးရွာရှီ ကုန်ကဲ့ဝင်းတွင် လူစုလူဝေး ဖြစ်ပေါ်နေပြီး ရောဂါကူးစက်နိုင်သည်ဟု ဒေသခံလူထုက တောင်းဆို သဖြင့် အဆိုပါ ကုန်ကဲ့ကွင်း မဖြစ်ပေါ်စေရေးအတွက် ကွမ်းလုံတံတား၏ ခံနိုင်ဝန် ယာဉ်နှင့်ကုန် ၂၅ တန်သာ သယ်ဆောင်ရန် ဆောက်လုပ်ရေးဝန်ကြီးဌာနက အောက်တိုဘာလ ၄ ရက်တွင် ထုတ်ပြန်ကြေညာထားသည်ဟု သိရသည်။

.

“ကွမ်းလုံတံတားမရောက်ခင် ဟိုလီနဲ့ ကွမ်းလုံတံတားကျော်ပြီး  ဖောင်ဆိပ်ကြားက ကုန်ကဲ့ကွင်းတွေမှာ ကုန်ကဲ့တာနဲ့ ကားတွေ ရပ်တာကြောင့် လူစုလူဝေးဖြစ်ပေါ်တယ်ဆိုပြီး ဒေသခံတွေက တောင်းဆိုလို့ ဒီလို အမိန့်ထွက်လာတာပါ။ ကဲ့ကွင်းတွေ ပျောက်ကုန်အောင်လုပ်သလို အလုပ်သမားတွေလည်း အလုပ်မရ၊ ကားသမားတွေလည်း ကုန်တင်ရတာ မကိုက်တွေ ဖြစ်ကုန်တာပေါ့။ သေချာကြီးကြပ်လုပ်ဆောင်ရင် ဒီလိုကိစ္စဖြစ်စရာ အကြောင်းမရှိပါဘူး” ဟု ကွမ်းလုံ-ချင်းရွှေဟော်ကုန်သည်ကြီးများအသင်း ဥက္ကဌ ဒေါ်လွင်လွင်မာက ပြောသည်။

.

လက်ရှိတွင် Rapid Test Kit ဖြင့် COVID-19 ရောဂွ စစ်ဆေးမှုများကို ချင်းရွှေဟော် သံတံတားတွင် စတင်ပြုလုပ်နေပြီ ဖြစ်သဖြင့် လောက်ကိုင်ကိုဖြတ်ကာ တရုတ်နိုင်ငံ၊ မိန်းတိန်နယ်စပ်ဂိတ်သို့ ကုန်ကားများ တိုက်ရိုက်မောင်း၍ ရရှိနေပြီဖြစ်သဖြင့် အောက်တိုဘာ ၄ ရက်တွင် ကုန်ကား ၁၅၀ စီးနှင့် ယနေ့ အောက်တိုဘာလ ၅ ရက်တွင် ၁၅၀ စီး ဝင်ရောက်နိုင်ခဲ့ပြီး ကွမ်းလုံနှင့် ချင်းရွှေဟော်အကြား တန်းစီနေသည့် ကုန်ကားများ အဆင်ပြေစွာ ဝင်ထွက်ခွင့် ရရှိလာပြီ ဖြစ်ကြောင်း ၎င်းထံက သိရသည်။

.

No comments:

Post a Comment

Journal Download

Photo of three cats

About