ဘန်းယဥ်၌ PNO မဲဆွယ်စည်းရုံး​ရေးယာဥ် တိမ်း​မှောက်၍ ၃ ဦး​ သေဆုံး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, October 22, 2020

ဘန်းယဥ်၌ PNO မဲဆွယ်စည်းရုံး​ရေးယာဥ် တိမ်း​မှောက်၍ ၃ ဦး​ သေဆုံး

ဆီဆိုင်မြို့နယ်၊ ဘန်းယဥ်​ကျေးရွာ တိုက်နယ် ဆေးရုံရှေ့တွင် ​အောက်တိုဘာလ ၂၂ ရက်၊ ည​နေ ၆ နာရီခွဲခန့်က PNO ပါတီ မဲဆွယ် စည်ရုံးရေးအင်အားပြ ယာဥ် တိမ်း​မှောက်၍ ၃ ဦး ​သေဆုံးခဲ့​ကြောင်း သိရသည်။

.

" လူ ၃ ယောက်လောက် သေတယ် ပြောတယ်။ ကားရှေ့ဘီး ပေါက်ပြီး မှောက်တာ။ မဲဆွယ် စည်းရုံးရေး ဒိုင်နာကားပါ ။ PNO ကလို့ သိရတယ်။ အ​သေးစိတ်​တော့ မသိရ​သေးဘူး။” ဟု ဆီဆိုင်မြို့နယ်ရဲတပ်ဖွဲ့မှူး ရဲမှူး သီဟန်က ကမ္ဘောဇတိုင်းသို့ အတည်ပြု​ပေးသည်။

.

PNO ပါတီ၏ မဲဆွယ်စည်းရုံး​​ရေး အင်အားပြ ယာဥ် တစ်စီးသည် ရှေ့ဘီး ပေါက်၍ တိမ်းမှောက်ခဲ့ခြင်း ဖြစ်ကာ ယာဥ်တိမ်းမှောက်မှု​ကြောင့် အမျိုးသမီး ၃ ဦး ပွဲချင်းပြီး သေဆုံးကာ ၄ ဦး ဒဏ်ရာ ရရှိခဲ့​ကြောင်း ဘန်းယဥ်ကြက်​ခြေနီ ၏ ထုတ်ပြန်ချက်အရ သိရသည်။

.

အဆိုပါ ​သေဆုံးသူများနှင့် ဒဏ်ရာ ရရှိသူများ၏ အ​သေးစိတ် အချက်အလက်များကိုမူ သိရှိရခြင်း မရှိ​သေး​​ပေ။

.



(ဓါတ်ပုံ - ဘန်းယဥ်ကြက်​ခြေနီ)

No comments:

Post a Comment

Journal Download

Photo of three cats

About