နမ့်ဆန်တွင် ဧပြီလ နောက်ပိုင်း မွေးဖွားသည့် ကလေးများနှင့် ကိုယ်ဝန်ဆောင်မိခင်များအား ထောက်ပံ့ငွေထုတ်ပေး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, October 11, 2020

နမ့်ဆန်တွင် ဧပြီလ နောက်ပိုင်း မွေးဖွားသည့် ကလေးများနှင့် ကိုယ်ဝန်ဆောင်မိခင်များအား ထောက်ပံ့ငွေထုတ်ပေး

ကိုအောင်မိုး (ရွှေဖီမြေ)

.

ပလောင်ကိုယ်ပိုင်အုပ်ချုပ်ခွင့်ရဒေသ၊ နမ့်ဆန်မြို့နယ်အတွင်းရှိ ကိုယ်ဝန်ဆောင်များနှင့် ၂၀၂၀ ပြည့်နှစ်၊ ဧပြီလ နောက်ပိုင်း မွေးဖွားသည့် ကလေးသူငယ်များအား လူမှုဝန်ထမ်းဦးစီးဌာနက အောက်တိုဘာလ ၁၀ ရက်၊ နံနက်ပိုင်းတွင် ထောက်ပံ့ငွေများ ထုတ်ပေးခဲ့ကြောင်း သိရသည်။

.


.

ထိုသို့ ထုတ်ပေးရာတွင် ကိုယ်ဝန်ဆောင်နှင့် ကလေးငယ် ၈၉၈ ဦးတို့အတွက် တစ်ဦးလျှင် တစ်လ ငွေကျပ် ၁၅၀၀၀ နှုန်းဖြင့် ၆ လစာအတွက် ငွေကျပ် ၉၀၀၀၀ စီ တို့ကို ထောက်ပံ့ပေးခဲ့ခြင်းဖြစ်ကြောင်း သိရသည်။

.

အဆိုပါ ထောက်ပံ့ငွေ ရရှိသည့် ကိုယ်ဝန်ဆောင်နှင့် ကလေးသူငယ်များအနက် ဖုန်းလိုင်းရှိသော ကျေးရွာများရှိ အကျိုး ခံစားခွင့်ရရှိသူများကို E Wallet များသို့ လွှဲပြောင်းထောက်ပံ့ပေးမည်ဖြစ်ပြီး E Wallet မရှိပါက နီးစပ်ရာ KBZ Pay Agent  များထံသို့ လျို့ဝှက်နံပါတ်ဖြင့် ထောက်ပံ့ငွေကို ထုတ်ယူနိုင်မည်ဖြစ်ကြောင်း သိရသည်။

.

ယမန်နေ့ အောက်တိုဘာလ ၁၀ ရက်တွင် တယ်လီဖုန်းလိုင်းမရှိသော ကျေးရွာများရှိ အကျိုးခံစားခွင့်ရရှိသူများကို KBZ Bank ကိုယ်စားလှယ်များက လာရောက်၍ ထောက်ပံ့ငွေများ ထုတ်ပေးခဲ့ကြောင်း သိရသည်။

.

လူမှုဝန်ထမ်းဦးစီးဌာန အနေဖြင့်ကိုယ်ဝန်ဆောင် မိခင်များနှင့် ကလေးသူငယ်များကို ငွေကြေးထောက်ပံ့မှုအပြင် ကျေးရွာများရှိ ကလေးသူငယ်များအား အာဟာရနှင့် ကျန်းမာရေးဆိုင်ရာ အသိပညာပေးခြင်း၊ ရပ်ရွာအခြေပြု လူမှု ဝန်ဆောင်မှုလုပ်ငန်းများကို ကျန်းမာရေးဝန်ထမ်းများနှင့် ပူးပေါင်းဆောင်ရွက်လျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About