နမ္မတူတွင် ပထမဆုံး COVID-19 လူနာ တွေ့ရှိ

စောဦး (ရတနာမြေ)

.

ကျောက်မဲခရိုင်၊ နမ္မတူမြိုန့ယ်တွင် ပထမဆုံး COVID-19 ရောဂါ အတည်ပြုလူနာကို ယနေ့ အောက်တို ဘာလ ၁၇ ရက်က တွေ့ရှိခဲ့ကြောင်း နမ္မတူမြိုန့ယ် COVID-19 ရောဂါ ကာကွယ်ထိန်းချုပ်ရေးနှင့် အရေးပေါ်တုံ့ပြန်ရေးကော်မတီ ထံက သိရသည်။

.

.

အဆိုပါ COVID-19 ပိုးတွေ့လူနာသည် အသက် ၂၀ အရွယ် အမျိုးသမီးတစ်ဦးဖြစ်ပြီး ၎င်းသည် ပြီးခဲ့သည့် အောက်တို ဘာလ ၈ ရက်က မန္တလေးတိုင်းဒေသကြီး၊ ပုသိမ်ကြီး မြို့နယ်မှ နမ္မတူမြို့သို့ လာရောက်စဉ် အခြေခံသတ္တုတွင်း လုပ်ငန်းခွင် သင်တန်းကျောင်း Facilities Quarantine Center တွင် အသွားအလာ ကန့်သတ်စောင့်ကြည့်နေသူတစ်ဦး ဖြစ်ကာ အောက်တိုဘာလ ၁၃ ရက်တွင် ဓါတ်ခွဲနမူနာရယူ စစ်ဆေးခဲ့သူ ဖြစ်ကြောင်း သိရသည်။

.             

ယင်း COVID-19 ရောဂါ အတည်ပြုလူနာကို  အောက်တိုဘာလ ၁၇ ရက်၊ နံနက်ပိုင်းက မေတ္တာရှင် နာရေးကူညီမှု အသင်း ယာဉ်ဖြင့် နမ္မတူမြို့နယ် ပြည်သူ့ဆေးရုံသို့ ပို့ဆောင် ဆေးကုသပေးလျက်ရှိပြီး ၎င်းနှင့် ထိတွေ့ခဲ့သူများ ကိုလည်း အခြေခံသတ္တုတွင်းလုပ်ငန်းခွင် သင်တန်းကျောင်းတွင် အသွားအလာ ကန့်သတ်စောင့်ကြည့်လျက်ရှိကြောင်း သိရသည်။

.