မိုင်းယောင်းမြို့နယ် ဝန်ထမ်းပေါင်းစုံ ငွေစုငွေချးသမဝါယမအသင်းမှ အသင်းဝင်များ၏ တက္ကသိုလ်ဝင်တန်းအောင် သားသမီးများအား ပညာသင်ထောက်ပံ့ကြေး ပေးအပ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, October 10, 2020

မိုင်းယောင်းမြို့နယ် ဝန်ထမ်းပေါင်းစုံ ငွေစုငွေချးသမဝါယမအသင်းမှ အသင်းဝင်များ၏ တက္ကသိုလ်ဝင်တန်းအောင် သားသမီးများအား ပညာသင်ထောက်ပံ့ကြေး ပေးအပ်

စိုင်းအောင်ဇော်လင်း

.

တာချီလိတ်ခရိုင်၊ မိုင်းယောင်းမြို့နယ်သမဝါယမဦးစီးဌာနရုံးတွင် ယမန်နေ့ အောက်တိုဘာလ ၉ ရက်က မြို့နယ် ဝန်ထမ်းပေါင်းစုံ ငွေစုငွေချေးသမဝါယမအသင်းမှ အသင်းဝင်များ၏ တက္ကသိုလ်ဝင်တန်းအောင် သားသမီးများအား ပညာသင်ထောက်ပံ့ကြေးများ ပေးအပ်ခဲ့ကြောင်း သိရသည်။

.


.

ထိုသို့ထောက်ပံ့ပေးအပ်ရာတွင် အသင်းသူ၊ အသင်းသားများ၏ တက္ကသိုလ်ဝင်တန်းအောင် သားသမီး ၅ ဦးအနက် ၃ ဘာသာ ဂုဏ်ထူးရှင်တစ်ဦးအား ၈၀၀၀၀ ကျပ်နှင့် ၄ ဦးအား ၅၀၀၀၀ ကျပ်စီတို့ကို မြို့နယ် ဝန်ထမ်းပေါင်းစုံ ငွေစုငွေချေးသမဝါယမအသင်းဥက္ကဋ္ဌ ဦးစိုင်းအောင်ဇော်လင်း၊ သမဝါယမဦးစီးဌာန မြို့နယ်ဦးစီးမှူး ဒေါ်ခင်သန်းတင့်နှင့် တာဝန်ရှိသူများက ပေးအပ်ခဲ့ကြောင်း သိရသည်။

.

ထို့နောက် ၂၀၁၉-၂၀၂၀ ဘဏ္ဍာရေးနှစ်အတွက် စုဆောင်းငွေအပေါ်အတိုး ၁၁၈၉၆၉၅၀ ကျပ်နှင့် အသင်းသား တစ်ဦးလျှင် အစုပေါ်အမြတ်ငွေ ၂၄၀၀၀ ကျပ်စီဖြင့် စုစုပေါင်း အစုပေါ်အမြတ်ငွေ ၆၀၄၈၀၀၀ ကျပ်ကို ကျန်းမာရေးနှင့် အားကစားဝန်ကြီးဌာန၏ COVID-19 ရောဂါ ကြိုတင်ကာကွယ်ရေးဆိုင်ရာ ညွှန်ကြားချက်များနှင့်အညီ ထုတ်ပေးခဲ့ ကြောင်း သိရသည်။

.

မိုင်းယောင်းမြို့နယ် ဝန်ထမ်းပေါင်းစုံ ငွေစုငွေချေးသမဝါယမအသင်းလီမိတက်ကို ၂၀၁၁ ခုနှစ်၊ ဒီဇင်ဘာ ၁၅ ရက်က အသင်းသား ၅၀ ဦးဖြင့် စတင်ဖွဲ့စည်းဆောင်ရွက်ခဲ့ရာ ယခုအခါ အသင်းသား ၂၆၇ ဦးရှိပြီး အသင်းသားများ၏ လူမှုရေး စသည့် အခက်အခဲများကို ကူညီဆောင်ရွက်ပေးလျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About