မိုင်းယောင်းတွင် ရိုးရာ ဆီမီးပူဇော် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Saturday, October 3, 2020

မိုင်းယောင်းတွင် ရိုးရာ ဆီမီးပူဇော်

စိုင်းအောင်ဇော်လင်း

.

တာချီလိတ်ခရိုင်၊ မိုင်းယောင်းမြို့နယ်တွင် ယမန်နေ့ ​အောက်တိုဘာလ ၂ ရက်၊ ညပိုင်းက ရိုးရာသီတင်းကျွတ် ဆီမီးပူဇော်ပွဲကို နေအိမ်၊ ဘုန်းတော်ကြီးကျောင်းနှင့် ဘုရားစေတီများ၌ မိသားစုအလိုက် ဆောင်ရွက်ခဲ့ကြောင်း သိရသည်။

.

.

ယခုနှစ်သည် မြန်မာပြက္ခဒိန်အားဖြင့် ဝါထပ်နှစ် ဖြစ်သည့်အတွက် မိုင်းယောင်းသီတင်းကျွတ်မှာ မြန်မာသီတင်းကျွတ် လထက် တစ်လ စောခြင်းဖြစ်ကြောင်း သိရသည်။

.

မိုင်းယောင်းတွင် ချစ်ခင်စဖွယ် ရိုးရာဓလေ့စရိုက်များနှင့် မြတ်နိုးစဖွယ်ကောင်းသော သီတင်းကျွတ်မီးထွန်းပွဲကို ရှေးနှစ်ပေါင်းများစွာကတည်း စတင်ပြီး လက်ရှိအချိန်အထိ ဆင်ဆွဲပွဲ၊ ဆီမီးမျှောပွဲများနှင့်အတူ ရိုးရာမပျက် စည်ကားစွာ နှစ်စဉ် ကျင်းပခဲ့သော်လည်း ယခုအခါ COVID-19 ရောဂါ ပြည်တွင်းကူးစက်မှုမြင့်မားနေခြင်းကြောင့် မိသားစု အလိုက်သာ ဆီမီးများ ထွန်းညှိပူဇော်ခဲ့ကြကြောင်း သိရသည်။

.

ဝါတွင်း ၃ လတွင် တာဝတိံသာနတ်ပြည်၌ မယ်တော်သန္တုဿိနတ်သားအပါအဝင် နတ်၊ ဗြဟ္မာတို့အား အဘိဓမ္မာတရား ဟောကြားပြီး အဘိဓမ္မာအခါတော်နေ့၌ လူ့ပြည်သို့ ပြန်လည်ဆင်းသက်သော မြတ်စွာဘုရားအား ရည်မှန်း၍ ပန်း၊ ဆီမီး၊ ရေချမ်းတို့ဖြင့် ကပ်လှူပူဇော်ကြခြင်းဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About