မိုင်းရှူးမြို့နယ်အတွင်းရှိ ကျေးရွာ ၆ ရွာတွင် မြစိမ်းရောင်စီမံကိန်း ရန်ပုံငွေ ကျပ်သိန်း ၁၈၀၀ ကျော် ထုတ်ချေးပေး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းရှူးမြို့နယ်အတွင်းရှိ ကျေးရွာ ၆ ရွာတွင် မြစိမ်းရောင်စီမံကိန်း ရန်ပုံငွေ ကျပ်သိန်း ၁၈၀၀ ကျော် ထုတ်ချေးပေး

ငြိမ်းသူ

.

လွိုင်လင်ခရိုင်၊ မိုင်းရှူးမြို့နယ်အတွင်းရှိ ပိန်းကန်း၊ လုံကော်၊ ပန်စွဲ၊ ပန်နောင်၊ ခိုစုံ၊ ကျူလွယ် ကျေးရွာ ၆ ရွာတွင် COVID-19 ရောဂါ ကြိုတင်ကာကွယ်ရေး လမ်းညွှန်ချက်များနှင့်အညီ မြစိမ်းရောင်စီမံကိန်းရန်ပုံငွေ ကျပ်သိန်း ၁၈၀၀ ကျော်ကို အောက်တိုဘာလ ၂၃ ရက်၊ နံနက်ပိုင်းက ထုတ်ချေးပေးခဲ့ကြောင်း မိုင်းရှူးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ သိရသည်။

.


.

အဆိုပါ ကျေးရွာ ၆ ရွာတွင် COVID-19 ရောဂါ ကာလအတွင်း စိုက်ပျိုးရေး မွေးမြူရေး အရောင်းအဝယ် လုပ်ငန်းများ လုပ်ကိုင်နိုင်စေရန်အတွက် မြစိမ်းရောင်စီမံကိန်း အသင်းဝင် ၁၂၄ ဦးအား အတိုးငွေပြား ၅၀ နှုန်းဖြင့် ချေးငွေကျပ် ၁၈၅၂ သိန်းထုတ်ချေးပေးခဲ့ပြီး မိုင်းရှူးမြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးမင်းဦး နှင့်ဝန်ထမ်းများက COVID-19 ရောဂါကြိုတင် ကာကွယ်ရေးလမ်းညွှန်ချက်များနှင့်အညီ စနစ်တကျဖြစ်စေရေး ကွင်းဆင်းကြီးကြပ် ပေးခဲ့ကြောင်း သိရသည်။

.

မိုင်းရှူးမြို့နယ်အတွင်း မြစိမ်းရောင်စီမံကိန်းကို ၂၀၁၄-၂၀၁၅ ဘဏ္ဍာနှစ်မှ စတင်အကောင်အထည်ဖော် ဆောင်ရွက်ခဲ့ပြီးယခုအချိန်တွင် ကျေးရွာပေါင်း ၄၇ ရွာတွင်အကောင်အထည်ဖော်ဆောင်ရွက်လျက်ရှိကြောင်း သိရသည်။

.

မြစိမ်းရောင်ရန်ပုံငွေထုတ်ချေးပေးခြင်းဖြင့်‌ ကျေးရွာလူထုများအလုပ်အကိုင်အခွင့် အလမ်းနှင့် မိသားစုဝင်ငွေများ တိုးပွားလာခြင်း၊ ကျေးလက်ဒေသဆင်းရဲမှုနှုန်းကို လျှော့ချနိုင်ခြင်း၊ မြစိမ်းရောင်စီမံကိန်း မှ တိုးပွားလာသော ရန်ပုံငွေဖြင့် ကျေးရွာအတွက်အမှန်တကယ်လိုအပ်သော ဖွံ့ဖြိုးရေးလုပ်ငန်းများတွင် ကျေးရွာလူထု ကိုယ်တိုင် အကောင်အထည်ဖော်ဆောင်ရွက်နိုင်ခြင်းစသည့်အကျိုးကျေးဇူး များရရှိစေမည်ဖြစ်ပြီး ကျေးရွာလူထု၏ စွမ်းဆောင်ရည် တိုးတက်လာစေရန်နှင့် မမျှော်မှန်းနိုင်သောဘေးအန္တရာယ်များ ကျရောက်လာပါက တုံ့ပြန်မှု အားကောင်းသောလူမှုအဖွဲ့အစည်းများ ပေါ်ပေါက်လာစေရန် ရည်ရွယ်ချက်များဖြင့် မြစိမ်းရောင်စီမံကိန်းကို အကောင်အထည်ဖော်‌ ဆောင်ရွက်နေခြင်းဖြစ်ကြောင်း သိရသည်။

.

Journal Download

Photo of three cats