စိုင်းမျိုးမြတ်
.
လင်းခေးခရိုင်၊ မိုင်းပန်မြို့၊ အနောက်ရပ်တွင် ပြီးခဲ့သည့် အောက်တိုဘာလ
၁ ရက်၊ ညနေပိုင်းက စိတ်ကြွရူးသွပ် ဆေးပြား ၂၆၀၀ ကျော်အား ဖမ်းဆီးရမိခဲ့ကြောင်း သိရသည်။
.
မိုင်းပန်မြို့မရဲစခန်းမှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည်
အောက်တိုဘာလ ၁ ရက်၊ ညနေ ၆ နာရီခန့်က မူးယစ်ဆေးဝါး သတင်းအရ မိုင်းပန်မြို့၊ အနောက်ရပ်ကွက်နေ
မနန်းဟန် ၏ နေအိမ်အား ဝင်ရောက်ရှာဖွေရာ ၎င်း၏ အိပ်ခန်းအတွင်းမှ ပလတ်စတစ်ကပ်ခွာအိတ်များဖြင့်
ထည့်ထားသည့် စိတ်ကြွရူးသွပ်ဆေးပြား ၂၆၇၀ ပြား၊ ဒေသ ကာလပေါက်ဈေးတန်ဖိုးငွေကျပ် ၂၆၇၀၀၀၀
သိန်းနှင့် မြန်မာငွေ ၁၂၂၉၅၀ ကျပ်တို့အား တွေ့ရှိသိမ်းဆည်းရမိခဲ့ကြောင်း သိရသည်။
.
အဆိုပါ မူးယစ်ဆေးဝါးများ ဖမ်းဆီးရမိမှုနှင့် ပတ်သက်၍ မိုင်းပန်မြို့မရဲစခန်းတွင်
မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများ ဆိုင်ရာဥပဒေဖြင့်
အမှုဖွင့်အရေးယူပြီး ကွင်းဆက်များဖော်ထုတ်စစ်ဆေးလျက် ရှိကြောင်း သိရသည်။
.
