ကျိုင်းတုံတွင် သားဖြစ်သူ ရိုက်နှက်၍ ဖခင် သေဆုံး

စိုင်းမျိုးမြတ်

.

ကျိုင်းတုံမြို့နယ်၊ မိုင်းဇင်ကျေးရွာအုပ်စု၊ ဟွေခါးကျေးရွာတွင် ယမန်နေ့ အောက်တိုဘာလလ ၆ ရက်၊ ညနေပိုင်းက သားဖြစ်သူမှ ရိုက်နှက်သဖြင့် ဖခင် သေဆုံးမှု ဖြစ်ပွားခဲ့ကြောင်း သိရသည်။

.

.

မိုင်းဇင်ကျေးရွာအုပ်စု၊ ဟွေခါးကျေးရွာနေ ဦးယောဒန်သည် အောက်တိုဘာလ ၆ ရက်၊ ညနေပိုင်းက အရက်သေစာ သောက်စားပြီး နေအိမ်သို့ ပြန်လာရာမှ ဇနီးဖြစ်သူနှင့် စကားများခဲ့ပြီး သားဖြစ်သူ နော်အေးကို ထပ်မံ ဆဲဆိုရာ နော်အေးမှ ဒေါသထွက်ကာ ခေါပုတ်ထောင်းသည့် သစ်သားကျည်ပွေ့ဖြင့် ဦးယောဒန်ကို ရိုက်နှက်ခဲ့ရာ ဦးခေါင်း နောက်စေ့ ဒဏ်ရာရရှိခဲ့ပြီး ကျိုင်းတုံမြို့၊ ပြည်သူ့ဆေးရုံကြီးသို့ ပို့ဆောင်ဆေးကုသမှု ခံယူစဉ် သေဆုံးသွားခဲ့ခြင်း ဖြစ်ကြောင်း သိရသည်။

.

“ဦးယောဒန်က သူ့သား နော်အေးကို ထမင်းမကျွေးဘူး။ ချီးပဲကျွေးမယ် ပြောတော့ သားက စိတ်တိုပြီး ခေါပုတ် ထောင်းတဲ့ ကျည်ပွေ့နဲ့ နောက်စေ့ကို ရိုက်ချလိုက်တာပါ” ဟု ကျိုင်းတုံမြို့မရဲစခန်းမှ တာဝန်ရှိသူက ပြောသည်။

.

အဆိုပါ ဦးယောဒန် သေဆုံးမှုနှင့် ပတ်သက်၍ တုတ်ဖြင့်ရိုက်နှက်ခဲ့သူ နော်အေးအား ကျိုင်းတုံမြို့မရဲစခန်းတွင် ရာဇသတ်ကြီးဥပဒေပုဒ်မ ၃၀၂ ဖြင့် အမှုဖွင့်စစ်ဆေး ဆောင်ရွက်လျက်ရှိကြောင်း သိရသည်။

.