မိုင်းထွန်း
.
ကျောက်မဲမြို့နယ်အတွင်းရှိ ပရဟိတအသင်းများတွင် အသုံးပြုနိုင်ရန်အတွက်
အပြည်ပြည်ဆိုင်ရာ ကြက်ခြေနီ ကော်မတီ (ICRC) မှ ထောက်ပံ့ပေးပို့လာသော လူနာတင်ယာဉ်သုံး
ပစ္စည်းများကို အောက်တိုဘာလ ၂ ရက်၊ နံနက်ပိုင်းက ကျောက်မဲမြို့နယ်ကြက်ခြေနီအသင်းခွဲရုံးတွင်
ထောက်ပံ့ပေးအပ် လှူဒါန်းခဲ့ကြောင်း သိရသည်။
.
အပြည်ပြည်ဆိုင်ရာကြက်ခြေနီကော်မတီ (ICRC) မှ ကျောက်မဲမြို့နယ်အတွင်းရှိကမ်းလင့်လက်များ
လူမှုကူညီရေး အသင်း(နောင်ပိန်)၊ ကျောက်မဲနာရေးကူညီမှုအသင်း၊
အိုမ်တမာဝ်လူမှုကူညီရေးအသင်း၊ အားမာန်သစ်ပရဟိတအသင်း
(မိုင်းငေါ့)နှင့်လောဝ်ငင်းပရဟိတအသင်း(မိုင်းငေါ့)တို့အတွက် အရေးပေါ် လူနာတင်ယာဉ်
ပစ္စည်းများဖြစ်သည့် HI -
LOW STRETCHER (Ambulance Stretcher), SPINE BOARD, FOLDING STRETCHER, HEAD
IMMOBILIZER တစ်စုံစီတို့ကို ထောက်ပံ့ပေးအပ်
လှူဒါန်းခဲ့ခြင်းဖြစ်ကြောင်း သိရသည်။
.
ထို့အပြင် ကျောက်မဲမြို့ပေါ်ရှိ အခြားပရဟိတ
အသင်းများအတွက်လည်း အပြည်ပြည်ဆိုင်ရာ ကြက်ခြေနီ ကော်မတီ ICRC မှ အလားတူ
ပစ္စည်းများ ထောက်ပံ့ပေးခဲ့ကြောင်း ကျောက်မဲမြို့ ကြက်ခြေနီအသင်းခွဲမှ တာဝန်ရှိသူထံက
သိရသည်။
.
