ကျောက်မဲမြို့နယ်ရှိ တိုက်ပွဲရှောင်ပြည်သူများအား အဖွဲ့အစည်း အသီးသီးက ထောက်ပံ့မှုများ ပြုလုပ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကျောက်မဲမြို့နယ်ရှိ တိုက်ပွဲရှောင်ပြည်သူများအား အဖွဲ့အစည်း အသီးသီးက ထောက်ပံ့မှုများ ပြုလုပ်

မိုင်းထွန်း

.

ကျောက်မဲမြို့နယ် အတွင်း၌ ဖြစ်ပွားလျက် ရှိသည့် တပ်မတော်နှင့် RCSS တို့၏ တိုက်ပွဲများကြောင့် ပုံဝိုး၊ တောင်ထိပ်၊ နားဆောင်း၊ နောင်ကွမ်၊ ကောင်းလန်း၊ ကွမ်ဟင်၊ နမ့်ဟန်ခိတ် စသည့်ကျေးရွာ ရွာရှိ ဘုန်းတော်ကြီးကျောင်းများတွင် ရောက်ရှိနေသည့် တိုက်ပွဲရှောင်များကို အဖွဲ့အစည်း အသီးသီးက အောက်တိုဘာလ ၉ ရက်တွင် ထောက်ပံ့ လှူဒါန်းမှုများ ပြုလုပ်ခဲ့ကြောင်း သိရသည်။

.


အဆိုပါ တိုက်ပွဲရှောင် ဒေသခံ ပြည်သူများသည် ပုံဝိုး၊ ဟဲကွီ၊ တောက်ထိပ်၊ နားဆောင်း၊ နောင်ကွမ်၊ နောင်ရှင်၊ ကောင်းလျန်း၊ ကွမ်ဟင် ကျေးရွာများမှ ဖြစ်ပြီး ၎င်းတို့အား UNHCR DRC Save the Children မေတ္တာစွမ်းအား၊ နမ့်ခုံးပရဟိတ၊ SNLD ပါတီ နောင်ပိန် ကမ်းလင့်လက် ပရဟိတ၊ အဖြူရောင်နှလုံးသား ပရဟိတ၊ MANA  သည့် ပြည်တွင်း/ပြည်ပ ဖွဲ့အစည်းများက စားနပ်ရိက္ခာများ၊ အိမ်သုံး ဆေးဝါးများနှင့် နှာခေါင်းစည်းများကို သွားရောက်လှူဒါန်း ထောက်ပံ့ပေးအပ်ခဲ့ခြင်း ဖြစ်ကြောင်း သိရသည်။

.


ထို့အတူ ကျောက်မဲခရိုင် ဘေးအန္တရာယ် ဆိုင်ရာ စီမံခန့်ခွဲရေးဦးစီးဌာနက တိုက်ပွဲရှောင် ပြည်သူ ၁၂၄၁ ဦးအတွက် တစ်ပတ်စာ ငွေကျပ် ၂၆၀၆၁၀၀ တန်ဖိုးရှိ ဆန်အိတ် ၉၀ ကျော်နှင့် အဝတ်အစား ဂျက်ဖာ ၂၄ ဖာကို သွားရောက် ထောက်ပံ့ခဲ့ပြီး ကျန်ရှိသော တိုက်ပွဲရှောင်ပြည်သူများကိုလည်း ထပ်မံ ထောက်ပံ့မှုများ ပြုလုပ်နေလျက် ရှိကြောင်း သိရသည်။

.

ပြီးခဲ့သည့် အောက်တိုဘာလ ၂ ရက်က စတင်၍ ဖြစ်ပွားနေသည့် တိုက်ပွဲများကြောင့် တိုက်ပွဲရှောင် ပြည်သူ ၃၀၀၀ ဝန်းကျင်ခန့် ရှိနေပြီး နှစ်ဘက်တပ်များ အပစ်အခတ် ရပ်စဲရန် အဖွဲ့အစည်း အသီးသီးက တောင်းဆိုနေလျက် ရှိသည်။

Journal Download

Photo of three cats