မိုင်းပန်မြို့နယ်တွင် မဲရုံပစ္စည်းများနှင့် မဲရုံဝန်ထမ်းများအား ပို့ဆောင်သည့် လင်းခေးခရိုင်အုပ်ချုပ်ရေးမှူးနှင့် အဖွဲ့ သေနတ်ဖြင့် အပစ်ခံရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

မိုင်းပန်မြို့နယ်တွင် မဲရုံပစ္စည်းများနှင့် မဲရုံဝန်ထမ်းများအား ပို့ဆောင်သည့် လင်းခေးခရိုင်အုပ်ချုပ်ရေးမှူးနှင့် အဖွဲ့ သေနတ်ဖြင့် အပစ်ခံရ

မိုင်းပန်မြို့နယ်တွင် မဲရုံပစ္စည်းနှင့် မဲရုံဝန်ထမ်းများအား လိုက်လံ ပို့ဆောင်သည့် လင်းခေးခရိုင် အုပ်ချုပ်ရေးမှူးနှင့် အဖွဲ့သည် အောက်တိုဘာလ ၂၇ ရက်၊ နေ့လယ် ၁ နာရီခန့်က အမည်မသိ လက်နက်ကိုင် အဖွဲ့၏ သေနတ်ဖြင့် အပစ်ခံရ၍ ခရိုင် အုပ်ချုပ်ရေးမှူးနှင့် ဌာနခွဲစာရေးတို့ ဒဏ်ရာများ ရရှိခဲ့ကြောင်း ရှမ်းပြည်နယ်အစိုးရအဖွဲ့ထံမှ သိရသည်။

.


 

ခရိုင်အုပ်ချုပ်ရေးမှူး ဦးနိုးဝေနဲ့အဖွဲ့က မဲရုံပစ္စည်းတွေနဲ့ မဲရုံအဖွဲ့ဝင်တွေ လိုက်ပို့ပြီးတော့ အပြန်၊ မိုင်းပန် မရောက်ခင် ၁၀ မိုင်လောက် အကွာမှာ ဖြစ်တာ။ နေ့လယ် ၁ နာရီလောက်က ဖြစ်တာ။ ပန်တဝိဘက်က အပြန်မှာ ဖြစ်တာပေါ့။ ပစ်တဲ့ အဖွဲ့ကိုတော့ မသိသေးဘူး။ဟု ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်းက ကမ္ဘောဇတိုင်းသို့ ပြောသည်။

.

ယင်းကဲ့သို့ သေနတ်ဖြင့် ပစ်ခတ်ခံရခြင်းကြောင့် လင်းခေးခရိုင်အုပ်ချုပ်ရေးမှူး ဦးနိုးဝေ၏ ဘယ်ဘက်ပေါင်တွင် ထိမှန်၍ အရိုးကျိုး ဒဏ်ရာ၊ ဌာနခွဲစာရေး ဦးနေမင်းအောင်တွင် ဘယ်ခြေသလုံး၊ လက်သန်းနှင့် လက်သူကြွယ်တို့တွင် ထိမှန် ဒဏ်ရာများ ရရှိကာ လူနာများအား ဆေးကုသမှု ပေးရန်အတွက် တောင်ကြီးစဝ်စံထွန်းဆေးရုံသို့ ပို့ဆောင်နေလျက် ရှိကြောင်း ဦးနေလင်းထံမှ သိရသည်။

.

ရှမ်းပြည်နယ်ရွေးကောက်ပွဲကော်မရှင် အဖွဲ့ခွဲ ဥက္ကဌ ဦးထင်ကျော်အား ဆက်သွယ် မေးမြန်းရာတွင် သေနတ်ဖြင့် အပစ်ခံရသည်မှာ မှန်ကန်ကြောင်း အတည်ပြု ပေးခဲ့သည်။

.

Journal Download

Photo of three cats