COVID-19 အတည်ပြုလူနာ အသစ် ၁၀၁၂ ဦး ထပ်မံ တွေ့ရှိ၊ ​တောင်ကြီးမှ ၁ ဦး ပါ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, October 8, 2020

COVID-19 အတည်ပြုလူနာ အသစ် ၁၀၁၂ ဦး ထပ်မံ တွေ့ရှိ၊ ​တောင်ကြီးမှ ၁ ဦး ပါ

COVID-19 ပိုး​​တွေ့ အတည်ပြုလူနာ အသစ် ၁၀၁၂ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၈ ရက်)၊ ည ၈ နာရီ ထုတ်ပြန်ချက်အရ သိရသည်။

.



ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၃၁၀ ခုအနက် ရှမ်းပြည်နယ်​တောင်ပိုင်း၊ ​တောင်ကြီးမြို့မှ  ၁ ဦးတွင် ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

ယင်းလူနာမှာ ​တောင်ကြီးမြို့၊ အထက(၅) Quarantine Center ၌ အသွားအလာ ကန့်သတ်ထားသည့် အမျိုးသား ဖြစ်​ကြောင်း သိရသည်။


" အထက(၅)က Quarantine ဝင်​နေသူပါ။ မ​နေ့က ၂ ​ယောက်လိုပဲ ရန်ကုန်က လာတာ။ သူတို့က ၁၁ ​ယောက် ပြန်လာပြီး ​တောင်ကြီး ​ရောက်တာနဲ့ Quarantine တန်း ဝင်တာ။ အဲဒီထဲကမှ မ​နေ့က ၂ ​ယောက်၊ ဒီ​နေ့ ၁ ​ယောက်မှာ ပိုး ​တွေ့တာပါ။ "ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၈ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၂၂၄၄၅ ဦး ရှိကာ၊ ယင်းအနက် ၅၃၅ ဦး သေဆုံး၍ ၆၃၆၆ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

No comments:

Post a Comment

Journal Download

Photo of three cats

About