COVID-19 အတည်ပြုလူနာ အသစ် ၁၄၆၁ ဦး ထပ်မံ တွေ့ရှိ၊ ရှမ်း​တောင်မှ ၂ ဦး ပါ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, October 9, 2020

COVID-19 အတည်ပြုလူနာ အသစ် ၁၄၆၁ ဦး ထပ်မံ တွေ့ရှိ၊ ရှမ်း​တောင်မှ ၂ ဦး ပါ

COVID-19 ပိုး​​တွေ့ အတည်ပြုလူနာ အသစ် ၁၄၆၁ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၉ ရက်)၊ ည ၈ နာရီ ထုတ်ပြန်ချက်အရ သိရသည်။

.



ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၂၁၄ ခုအနက် ရှမ်းပြည်နယ်​တောင်ပိုင်းမှ  ၂ ဦးတွင် ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

ယင်းလူနာမှာ ​ရွာငံမြို့နှင့် ဆီဆိုင်မြို့နယ်၊ ဆိုက်​ခေါင်​၊ ​တွေ့ပူး​​တောရကျေးရွာတို့မှ အမျိုးသားများ ဖြစ်​ကြောင်း သိရသည်။


" ရွာငံက​တော့ ရန်ကုန်က ပြန်လာတာ၊ ပြန်လာတာနဲ့ Quarantine တန်း ဝင်တာဆို​တော့ contact မရှိဘူး။ သူနဲ့ ပြန်လာသူ​တွေလည်း Quarantine ထဲ ​ရောက်​နေပြီ။ ဆိုက်​ခေါင် (​တွေ့ပူး​တောရ)က​တော့ သူ့ရွာကို ၈ လပိုင်းကုန် ကတည်းက ​ရောက်တာ၊ Quarantine မဝင်ရ​သေးဘူး။ ၁၀ လပိုင်း ၄ ရက်​နေ့မှ ကျန်းမာ​ရေးဆရာမက သိလို့ Quarantine ထဲ ထည့်လိုက်ပြီး စစ်လိုက်​တော့ အခု positive ဖြစ်​နေတာ။ သူ့ရွာမှာ တစ်လ​လောက်​ ရှိ​နေ​လို့ contact ရှိ​​တော့ ရွာက အိမ်​တွေ အကုန်လုံးကို ၁၄ ရက် stay home လုပ်ထားပါတယ်။ တအား နီးကပ်သူ​တွေကို​တော့ Quarantine ထားပြီး swap စစ်မှာ​ပေါ့။"ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၉ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၂၃၉၀၆ ဦး ရှိကာ၊ ယင်းအနက် ၅၆၆ ဦး သေဆုံး၍ ၆၇၃၈ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

No comments:

Post a Comment

Journal Download

Photo of three cats

About