COVID-19 အတည်ပြုလူနာ အသစ် ၁၁၃၈ ဦး ထပ်မံ တွေ့ရှိ၊ ရှမ်း​တောင်မှ ၃ ဦး ပါဝင်

COVID-19 ပိုး​​တွေ့ အတည်ပြုလူနာ အသစ် ၁၁၃၈ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၁၆ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၁၉၂ ခုအနက် ရှမ်းပြည်နယ်​တောင်ပိုင်း၊ ပင်းတယမြို့၊ အောင်ပန်းမြို့နှင့် နမ့်စန်မြို့တို့မှ ၃ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

" ပင်းတယနဲ့ ​အောင်ပန်းက အမျိုးသား ၂ ဦးပါ၊ ဘာ contact မှ မရှိဘူး။ ၂ ​ယောက်လုံးက ရန်ကုန်ပြန်၊ Quarantine ဝင်​နေသူတွေပါ။" ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

ထို့အတူ နမ့်စန်မြို့မှ လူနာ အမျိုးသမီးမှာ စက်တင်ဘာလ ၂၂ ရက်တွင် COVID-19 ပိုး ​တွေ့ရှိခဲ့ပြီး​နောက် ​ဖောင်ကြီး COVID-19 Center တွင် ​ဆေးကုသမှု ခံယူ၍ ယခု ဒုတိယအကြိမ် ပိုး ထပ်မံ ​တွေ့ရှိခြင်း ဖြစ်​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)၏ ထုတ်ပြန်ချက်အရ သိရသည်။

.

" နမ့်စန်လူနာက လူနာအသစ်​တော့ မဟုတ်ဘူး၊ ရန်ကုန်က​နေ ​ပိုး​တွေ့ပြီး ​ဆေးကုသ​ပေးတယ်၊ ပြီး​တော့ သက်သာလို့ Hotel Quarantine ထားတယ်၊ Swap ယူပြီး စစ်​တော့ negative ထွက်လို့ ​ရောဂါပိုး ကင်းသွားပြီ ဆိုပြီး နမ့်စန်ကို ပြန်လာတာ။ နမ့်စန် ​ဆေးရုံမှာ Quarantine ထားလိုက်တယ်။ အဲဒီမှာ Swap ယူပြီး ထပ် စစ်လိုက်​တော့ ပိုး ပြန်​တွေ့တာပါ။ ​လော​လောဆယ် လူနာက အသက်ရှူရတာ အဆင်မ​ပြေလို့ ​တောင်ကြီး စဝ်စံထွန်းကို ပို့လိုက်ပြီ။ "ဟု နမ့်စန်မြို့နယ် COVID-19 Information မှ တာဝန်ရှိသူ တစ်ဦးက ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၁၆ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၃၃၄၈၈ ဦး ရှိကာ၊ ယင်းအနက် ၇၉၉ ဦး သေဆုံး၍ ၁၅၄၇၇ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။