ရခိုင်ပြည်နယ်မှ ရှမ်းတောင်သို့ လာရောက်သည့် ယာဉ်မောင်းတစ်ဦးထံမှ COVID-19 ပိုးတွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, October 29, 2020

ရခိုင်ပြည်နယ်မှ ရှမ်းတောင်သို့ လာရောက်သည့် ယာဉ်မောင်းတစ်ဦးထံမှ COVID-19 ပိုးတွေ့

စုလှိုင်

.

ကလောမြို့နယ်၊ နန့်ပန်တက် COVID-19 စစ်ဆေးရေးဂိတ်တွင် ယနေ့ အောက်တိုဘာလ ၂၉ ရက်၊ နံနက်ပိုင်း က ရခိုင်ပြည်နယ်မှ ရှမ်းပြည်နယ်တောင်ပိုင်းသို့ လာရောက်သည့် ယာဉ်မောင်းတစ်ဦးထံမှ COVID-19 ရောဂါပိုး တွေ့ရှိခဲ့ကြောင်း သိရသည်။

.

Photo - Eagle White
.

“ကားသမားပါပဲ။ Contact က ၂ ယောက်ပါ။ ကုန်ကားကြီးပါ။ Postive ဖြစ်တဲ့သူက ကလောဆေးရုံကို ပို့မယ်။ Contact က Quarantine Center ထားမှာပါ။ Postive သမားကိုတော့ ထပ်မစစ်တော့ဘူ.။ Contact တွေကို တော့ ထပ်စစ်မှာပါ။ သူတို့က ရခိုင်က လာတာပါ။ တောင်ကြီးကိုတက်မှာပါ” ဟု နန့်ပန်တက် စစ်ဆေးရေးဂိတ် တာဝန်ကျ ကလောပြည်သူ့ဆေးရုံမှ ဒေါက်တာ စောမြသစ္စာက ကမ္ဘောဇတိုင်းသို့ ပြောသည်။

.

အဆိုပါ ယာဥ်မောင်းသည် အသက် ၃၅ နှစ်အရွယ် အမျိုးသားဖြစ်ပြီး ရခိုင်ပြည်နယ်၊ ပုဏ္ဏားကျွန်းမြို့နယ်မှ တောင်ကြီးသို့ လာရောက်စဉ် နန့်ပန်တက်စစ်ဆေးရေးဂိတ်၌ Rapid Test Kit ဖြင့် COVID-19 ရောဂါပိုး ရှိ/မရှိ စစ်ဆေးရာမှ တွေ့ရှိခဲ့ခြင်းဖြစ်သည်ဟု သိရသည်။

.

ထို့အတူ ကလောမြို့နယ်အုပ်ချုပ်ရေးမှူး ဦးခင်မင်းကလည်း “အသက် ၃၅ နှစ်အရွယ် ယာဉ်မောင်း ပိုးတွေ့တာ ဟုတ်ပါတယ်” ဟု အတည်ပြု ပြောဆိုခဲ့သည်။

.

ရှမ်းပြည်နယ်တောင်ပိုင်းဒေသ အတွင်းသို့ ဝင်ရောက်လာသည့် ကားများကို ကလောမြို့နယ်၊ နန့်ပန်တက် စစ်ဆေးရေးဂိတ်တွင်လည်းကောင်း၊ ရှမ်းပြည်နယ်မှ အထွက်ကားများကို မန္တလေးတိုင်းဒေသကြီး၊ ကျွဲတပ်ဆုံ စစ်ဆေးရေးဂိတ်တွင်လည်းကောင်း Rapid Test Kit များဖြင့် COVID-19 ရောဂါ ရှိ/မရှိ စစ်ဆေးပေးနေခြင်း ဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About