ရှမ်းပြည်နယ်တွင် COVID-19 လူနာ ၁၂၄ ဦး တွေ့ရှိခဲ့ပြီး ၆၄ ဦး ဆေးရုံမှ ဆင်းခွင့် ရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, October 26, 2020

ရှမ်းပြည်နယ်တွင် COVID-19 လူနာ ၁၂၄ ဦး တွေ့ရှိခဲ့ပြီး ၆၄ ဦး ဆေးရုံမှ ဆင်းခွင့် ရ

ရှမ်းပြည်နယ်အတွင်း၌ မတ်လ ၃၀ ရက်မှ အောက်တိုဘာလ ၂၅ ရက်၊ ညပိုင်းထိ COVID-19 ပိုးတွေ့ အတည်ပြုလူနာပေါင်း ၁၂၄ ဦး တွေ့ရှိထားပြီး ယင်းအနက် ၁ ဦး သေဆုံး၍ ၆၄ ဦးသည် ဆေးရုံမှ ဆင်းခွင့် ရရှိပြီ ဖြစ်ကာ ၅၉ ဦးမှာ ဆေးကုသမှု ခံယူနေဆဲ ဖြစ်ကြောင်း ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနမှ သိရသည်။

.

ယင်း ပိုးတွေ့အတည်ပြုလူနာများမှာ ရှမ်းပြည်နယ်တောင်ပိုင်းတွင် ၇၈ ဦး၊ ရှမ်းပြည်နယ်မြောက်ပိုင်းတွင် ၃၇ ဦး၊ ရှမ်းပြည်နယ်အရှေ့ပိုင်းတွင် ၉ ဦး၊ စုစုပေါင်း ၁၂၄ ဦး ဖြစ်သည်။

.


သေဆုံးလူနာမှာ တောင်ကြီးမြို့နေ COVID-19 လူနာအမှတ်(၆၉၁၆) ဖြစ်သည့် အသက် ၆၇ နှစ်အရွယ် အမျိုးသား ဖြစ်ကာ စက်တင်ဘာလ ၂၀ ရက်က စဝ်စံထွန်းဆေးရုံ၌ ဆေးကုသမှု ခံယူနေစဉ် သေဆုံးခဲ့ခြင်း ဖြစ်ကြောင်း သိရသည်။

.

မြန်မာနိုင်ငံတွင် အောက်တိုဘာလ ၂၅ ရက်၊ ည ၈ နာရီထိ COVID-19 ပိုးတွေ့ အတည်ပြုလူနာ ၄၄၇၇၄ ဦး ရှိကာ၊ ယင်းအနက် ၁၀၉၅ ဦး သေဆုံး၍ ၂၄၉၂၀ ဦးမှာ ပြန်လည် သက်သာ၍ ​ဆေးရုံမှ ဆင်းခွင့်ရပြီ ဖြစ်​ကြောင်း သိရသည်။

.

No comments:

Post a Comment

Journal Download

Photo of three cats

About