မူဆယ်ပြည်သူ့ဆေးရုံမှ ကျန်းမာရေးဝန်ထမ်း ၂ ဦးတွင် COVID-19 ပိုးတွေ့ရှိ

ကမ္ဘောဇတိုင်း

.

မူဆယ်ခရိုင်၊ မူဆယ်မြို့နယ် ပြည်သူ့ဆေးရုံကြီးမှ ကျန်းမာရေးဝန်ထမ်း ၂ ဦးတွင် COVID-19 ရောဂါပိုး တွေ့ရှိကြောင်း သိရသည်။

.

.

“ကျန်းမာရေးကြီးကြပ်-၂ တစ်ယောက်၊ ဓါတ်ခွဲကျွမ်းကျင် တစ်ယောက်ပါ။ သူတို့ ၂ ယောက်လုံးက နည်းနည်းဖျားပြီး နှာစေးလို့ စစ်ကြည့်လိုက်တာ ဖြစ်ပါတယ်။ သူတို့နဲ့ ထိတွေ့ခဲ့တဲ့ထဲက အနီးကပ်ဆုံး Contact တွေကတော့ Hospital Quarantine ထားပြီး ဓါတ်ခွဲစစ်ဆေးမှုတွေ ဆက်ပြီး လုပ်သွားမှာပါ” ဟု မူဆယ်ပြည်သူ့ဆေးရုံမှ ဒေါက်တာ ဟန်နိုင်စိုး က ကမ္ဘောဇတိုင်းသို့ ပြောသည်။

.

မူဆယ်ပြည်သူ့ဆေးရုံမှ ဝန်ထမ်းများအား အောက်တိုဘာလ ၁၈ ရက်၊ ညပိုင်းက COVID-19 ရောဂါပိုး ရှိ/မရှိ စစ်ဆေးပေးခဲ့ရာ ယင်း ဝန်ထမ်း ၂ ဦးတွင် ရောဂါပိုး တွေ့ရှိခဲ့ခြင်းဖြစ်ကြောင်း သိရသည်။

.

မူဆယ်ပြည်သူ့ဆေးရုံတွင် အဆိုပါ ကျန်းမာရေးဝန်ထမ်း ၂ ဦး အပါအဝင် COVID-19 ရောဂါ အတည်ပြုလူနာ ၁၁ ဦး တို့အား ဆေးကုသမှုပေးလျက်ရှိပြီး လူနာအားလုံး ကျန်းမာရေး ကောင်းမွန်ကာ အထူးစောင့်ကြပ်ကြည့်ရှုရမည့် အခြေအနေတွင် မရှိကြောင်း သိရသည်။

.