နန့်ပန်တက်တွင် အမျိုးသား ၂ ဦးထံမှ COVID-19 ပိုးတွေ့

ကလောမြို့နယ်၊ နန့်ပန်တက် ကျန်းမာရေး စစ်ဆေးရေးဂိတ်တွင် ရှမ်းပြည်နယ်အတွင်းသို့ ဝင်ရောက်လာသည့် ယာဉ်ပေါ် ပါသူများအား Rapid Test Kit ဖြင့် စစ်ဆေးလျက်ရှိရာ အောက်တိုဘာလ ၁၆ ရက်၊ နံနက်ပိုင်းက အိမ်စီး မော်တော်ယာဉ်ဖြင့် လာရောက်သည့် အမျိုးသား ၂ ဦးထံမှ COVID-19 ပိုး တွေ့ခဲ့ကြောင်း သိရသည်။

.

အဆိုပါ ပိုးတွေ့လူနာများမှာ အသက် ၂၀ နှစ်အရွယ် အမျိုးသားနှင့် အသက် ၃၈ နှစ်အရွယ် အမျိုးသားတို့ ဖြစ်ပြီး အခြား အမျိုးသား ၁ ဦး (ပေါင်း ၃ ဦး) နှင့်အတူ  ရန်ကုန်မြို့မှ တောင်ကြီးမြို့သို့ Honda Fit ယာဉ်ဖြင့် လာရောက်စဉ် နန့်ပန်တက် ကျန်းမာရေး စစ်ဆေးရေးဂိတ်၌ Rapid Test Kit ဖြင့် စစ်ဆေးမှု ခံယူရာ အမျိုးသား ၂ ဦးတွင် COVID-19 ပိုးတွေ့၍ ကျန် ၁ ဦးတွင် ပိုး မတွေ့ အဖြေ ရရှိခဲ့ခြင်း ဖြစ်သည်။

.

၎င်းတို့သည် ရန်ကုန်မြို့ နေသူများဖြစ်ကာ ပိုးတွေ့သူများအား ကလောဆေးရုံသို့ ပို့ဆောင်ထားပြီး ပိုး မတွေ့သူအား Quarantine Center ၌ ထားရှိမည် ဖြစ်ကြောင်း သိရသည်။

.