COVID-19 အတည်ပြုလူနာ အသစ် ၁၀၉၃ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၄ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၀၉၃ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၃၀ ရက်)၊ ည ၈ နာရီ ထုတ်ပြန်ချက်အရ သိရသည်။
.
ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၃၀၆ ခုအနက် ၄ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။
.
အဆိုပါ လူနာများမှာ ​​က​လော၊ ပင်လုံ၊ ​အေးသာယာနှင့် မိုင်းဆတ်တို့တွင် အသွားအလာ ကန့်သတ်ထားသူများ ဖြစ်​ကြောင်း သိရသည်။
.
" ရှမ်း​တောင်က ၃ ​ယောက်​ပါ။ ​အေးသာယာ ၁ ​ယောက်က အရင် test kit နဲ့ စစ်တုန်းက negative ဖြစ်တဲ့ ယာဥ်​​မောင်းကို PCR နဲ့ စစ်လိုက်​တော့ Positive ဖြစ်တာ​ပေါ့။ က​လောက အမျိုးသမီးက​တော့ ရန်ကုန်က ပြန်လာတာ၊ Quarantine ကို တန်း​ရောက်​ပေမဲ့ သူ့အ​ဖေက နန့်ပန်တက်မှာ သွားပြီး ကြိုခဲ့လို့ Quarantine ထည့်ပြီး​တော့ စစ်မှာ​ပေါ့။ လွိုင်လင်(ပင်လုံ)က အမျိုးသားက​တော့ ရန်ကုန်မှာ ​ကျောင်းတက်ပြီး ရန်ကုန်က​နေ မန္တ​လေး၊ မန္တ​လေးက​နေ ရွာငံလမ်းက ပြန်လာတာ၊ သူနဲ့ အတူ ပြန်လာတဲ့ ​ကျောင်းသား ၂ ​ယောက်ပါတယ်။ သူတို့က Quarantine ထဲကို တန်း​ရောက်သူ​တွေပါ။" ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။
.
ထို့အတူ မဲဆွယ်စည်းရုံး​ရေးတွင် ပါဝင်ခဲ့သည့် ဟိုပုံးမြို့မှ လူနာနှင့် ထိတွေ့ ဆက်စပ်မှု ရှိသူများ၏ ဓါတ်ခွဲနမူနာများတွင် COVID-19 ပိုး ​တွေ့ခြင်း မရှိ​သော်လည်း ဒုတိယအကြိမ် ထပ်မံ စစ်​ဆေးမည် ဖြစ်​ကြောင်း သိရသည်။
.
မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၃၀ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၅၁၄၉၆ ဦး ရှိကာ၊ ယင်းအနက် ၁၂၁၉ ဦး သေဆုံး၍ ၃၁၃၃၀ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။