COVID-19 အတည်ပြုလူနာ အသစ် ၁၄၀၆ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၇ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၄၀၆ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၂၈ ရက်)၊ ည ၈ နာရီ ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၃၄၅ ခုအနက် ၇ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

အဆိုပါ လူနာများမှာ ​​အောင်ပန်းမြို့၊ ရွာငံ(မြို့ကြီး)၊ က​လော၊ ဆီဆိုင် (ဘန်းယဥ်)၊ ရပ်​စောက်၊ ​အေးသာယာနှင့် ဟဲဟိုးမြို့တို့မှ ဖြစ်​ကြောင်း သိရသည်။

.

" က​လောနဲ့ အောင်ပန်းက  ၂​ ယောက်က ရန်ကုန်က ပြန်ပြီး Quarantine ဝင်​နေသူ​တွေပါ။ ရွာငံက​တော့ RDT နဲ့ စစ်တုန်းက Negative ဖြစ်တာကို PCR စက်ကြီးနဲ့ စစ်လိုက်​တော့ Positive ဖြစ်တာ။ ဆီဆိုင်(ဘန်းယဥ်) တစ်​ယောက်က​တော့ ရဟန်းပါ၊ ရန်ကုန်က လာတာ၊ ကျောင်းကို ​ရောက်​တော့ စစ်လိုက်တာ Positive ထွက်တာ။ ကားဆရာနဲ့ ဘုန်းကြီး တစ်ပါး​တော့ contact ရှိတယ်။ ရပ်​စောက် ၁ ​ယောက်က ကားသမားပဲ ပြန်​ရောက်​တော့ Quarantine ဝင်​နေတဲ့သူပဲ။" ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

ထို့အတူ " ​အေးသာယာ ၁ ​ယောက်က မူဆယ် - ​တောင်ကြီး ကား ​ပြေးဆွဲ​နေတဲ့သူ၊  ၂၂ ရက်မှာ မူဆယ်က​နေ ​တောင်ကြီးကို ပြန်​ရောက်တယ်။ ​ရောက်လာ​တော့ အနံ့​ ပျောက်​နေလို့ Quarantine ထည့်ပြီး စစ်လိုက်​တော့ Postive ထွက်တာ။ သူနဲ့ ထိ​တွေ့တဲ့ကားသမား​တွေက ရှမ်း​မြောက်ကို သွား​နေတာ အခုလားရှိုးကနေ ထွက်လာပြီ။ ဒီ​ရောက်တာနဲ့ Quarantine ထည့်မယ်။ ​တောင်ကြီးမှာ သူ ဝင်/ထွက်​နေတဲ့ ဂိတ်ကို​တော့ အသွားအလာ ကန့်သတ်လိုက်တယ်။" ဟု ​ဒေါက်တာ ဇဝနကိုက ​ပြောသည်။

.

ထို့အပြင် ဟဲဟိုးမြို့မှ လူနာမှာ ယခင် ရန်ကုန်မြို့၌ ပိုး​တွေ့လူနာအဖြစ် သတ်မှတ်ခံရသည့် ရဲတပ်ဖွဲ့ဝင် တစ်ဦး ဖြစ်ကာ ရန်ကုန်က ပြန်လာသူ ဖြစ်ခြင်း​ကြောင့် ထပ်မံ စစ်​ဆေးစဥ် ပိုး​တွေ့ ခြင်း ဖြစ်​ကြောင်း သိရသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၂၈ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၄၉၀၇၂ ဦး ရှိကာ၊ ယင်းအနက် ၁၁၇၂ ဦး သေဆုံး၍ ၂၈၆၃၆ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။