COVID-19 အတည်ပြုလူနာ အသစ် ၁၁၉၄ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၂ ဦးတွင် ပိုးတွေ့ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, October 21, 2020

COVID-19 အတည်ပြုလူနာ အသစ် ၁၁၉၄ ဦး ထပ်မံ တွေ့ရှိ၊ PHL(​တောင်ကြီး)၌ စစ်သည့် ဓါတ်ခွဲနမူနာများအနက် ၂ ဦးတွင် ပိုးတွေ့

COVID-19 ပိုး​​တွေ့ အတည်ပြုလူနာ အသစ် ၁၁၉၄ ဦး ထပ်မံ ​တွေ့ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​အောက်တိုဘာလ ၂၁ ရက်)၊ ည ၈ နာရီ ထုတ်ပြန်ချက်အရ သိရသည်။

.



ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ စစ်​ဆေးခဲ့သည့် ဓါတ်ခွဲနမူနာ ၃၈၆ ခုအနက် ၂ ဦးတွင် COVID-19 ပိုး တွေ့​ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)က ထုတ်ပြန်ခဲ့သည်။

.

ယင်းလူနာများမှာ ဆီဆိုင်မြို့နယ်၊ အလက(​တွေ့ပူး)နှင့် က​လောမြို့၊ ဓမ္မယာန Quarantine Center များတွင် အသွားအလာ ကန့်သတ်ထားသည့် အမျိုးသားများ ဖြစ်​ကြောင်း သိရသည်။

.

" ၂ ​ယောက်လုံးက contact ​တွေပါ။ ဆီဆိုင် လူနာက အရင် ​တွေ့ပူးရွာ လူနာရဲ့ contact ပါ။ ပထမ တစ်ကြိမ်​ စစ်တုန်းက Negative ထွက်ပြီး ခု ဒုတိယအကြိမ် ထပ်စစ်​တော့ positive ဖြစ်​နေတာ​ပေါ့။ က​လောကလည်း contact ပဲ၊ ရန်ကုန်က ၃ ​ယောက်လာတုန်းက  test kit နဲ့ စစ်​တော့ ၂ ​ယောက်မှာ positive ဖြစ်ပြီး ခုလူနာက negative ဖြစ်တာ။ PCR နဲ့ ထပ် စစ်လိုက်​တော့ positive ဖြစ်​နေတာပါ။" ဟု ရှမ်းပြည်နယ် ပြည်သူ့ကျန်းမာ​ရေးဦးစီးဌာနမှ ​ဒေါက်တာ ဇဝနကိုက က​မ္ဘောဇတိုင်းသို့ ​ပြောသည်။

.

မြန်မာနိုင်ငံတွင် မတ်လ ၂၃ ရက်မှ ယနေ့ (​အောက်တိုဘာလ ၂၁ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၃၉၆၉၆ ဦး ရှိကာ၊ ယင်းအနက် ၉၇၂ ဦး သေဆုံး၍ ၁၈၈၆၅ ဦးမှာ ပြန်လည် သက်သာ၍ ​ဆေးရုံမှဆင်းခွင့် ရရှိပြီ ဖြစ်​ကြောင်း သိရသည်။

No comments:

Post a Comment

Journal Download

Photo of three cats

About