နန့်ပန်တက်စစ်ဆေးရေးဂိတ်တွင် ယာဉ်မောင်းနှင့် ယာဉ်နောက်လိုက်များ နားခိုနိုင်ရန် ယာယီ အဆောက်အဦ ဆောက်လုပ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, October 8, 2020

နန့်ပန်တက်စစ်ဆေးရေးဂိတ်တွင် ယာဉ်မောင်းနှင့် ယာဉ်နောက်လိုက်များ နားခိုနိုင်ရန် ယာယီ အဆောက်အဦ ဆောက်လုပ်

စုလှိုင်

.

ကလောမြို့နယ်၊ နန့်ပန်တက်ကျေးရွာရှိ COVID-19 ကျန်းမာရေးစစ်ဆေးရေးဂိတ်တွင် ကုန်တင်ယာဉ်မောင်းများနှင့် ယာဉ်နောက်လိုက်များ နားခိုနိုင်ရန်အတွက် ယာယီအဆောက်အဦ ဆောက်လုပ်လျက်ရှိကြောင်း သိရသည်။

.

.

“ယာယီရပ်နားဖို့ဆိုတာက ကားတွေက လမ်းပေါ်မှာပဲရပ်မယ်။ လူတွေ ခဏတစ်ဖြုတ်နားဖို့ ယာဉ်မောင်းတွေ၊ ယာဉ်နောက်လိုက်တွေ အတွက် ယာယီအဆောက်အဦ ဆောက်ပေးမှာပါ။ ခဏတစ်ဖြုတ်နားဖို့၊ သန့်စင်ခန်း သုံးဖို့ပေါ့။ လက်ဆေးဘေစင်တွေလည်း လုပ်ပေးမှာပါ” ဟု တောင်ကြီးခရိုင်လမ်းဦးစီးဌာနမှ လက်ထောက်ညွှန်ကြားရေးမှူး ဦးမျိုးလွင်က အောက်တိုဘာလ ၈ ရက်တွင် ကမ္ဘောဇတိုင်းသို့ ပြောသည်။

.

အဆိုပါ အဆောက်အဦမှာ အလျား ၁၀၀ ပေ၊ အနံ ၁၀ ပေရှိ အမိုးအကာပါ ယာယီအဆောက်အဦဖြစ်ပြီး ဆောက်လုပ်ရန် ကုန်ကျစရိတ်ကို ရှမ်းပြည်နယ်အစိုးရမှ ထုတ်ပေးထားခြင်းဖြစ်ကာ အဆောက်အဦ ဒီဇိုင်းနှင့် ပစ္စည်းများ ရှိပြီးဖြစ်၍ တည်ဆောက်ရေးနှင့် သယ်ယူပို့ဆောင်ရေးစရိတ်သာ ကုန်ကျမည်ဖြစ်ကြောင်း ၎င်းထံက သိရသည်။

.

“ကားသမားတွေကို ဘယ်အချိန်စပြီး လက်ခံမယ် ဆိုတာကတော့ COVID-19 ရောဂါကာကွယ်ထိန်းချုပ်ရေးနဲ့ အရေးပေါ် တုံ့ပြန်ရေးကော်မတီနဲ့ ညှိရမှာပါ။ လုပ်ငန်းကတော့ စလုပ်နေပါပြီ” ဟု ဦးမျိုးလွင်က ဆက်လက်ပြောဆိုခဲ့သည်။

.

ရှမ်းပြည်နယ်တောင်ပိုင်းဒေသအတွင်းသို့ ဝင်ရောက်လာသည့် ကုန်တင်ယာဉ်များမှ ယာဉ်မောင်းနှင့် ယာဉ်နောက်လိုက် များကို အဆိုပါ နန့်ပန်တက်စစ်ဆေးရေးဂိတ်တွင် Rapid Test Kit ဖြင့် COVID-19 ရောဂါ ရှိ/မရှိ စစ်ဆေးပေးနေခြင်း ဖြစ်ကြောင်း သိရသည်။

.

No comments:

Post a Comment

Journal Download

Photo of three cats

About