ကျိုင်းတုံမြို့နယ်တွင် ငွေကျပ် ၁ ဘီလီယံကျော် တန်ဖိုးရှိ ဘိန်းဖြူများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Tuesday, October 13, 2020

ကျိုင်းတုံမြို့နယ်တွင် ငွေကျပ် ၁ ဘီလီယံကျော် တန်ဖိုးရှိ ဘိန်းဖြူများ ဖမ်းမိ

ကမ္ဘောဇတိုင်း

.

ကျိုင်းတုံမြို့နယ်၊ တောင်ကြီး-ကျိုင်းတုံသွား ကားလမ်း၊ ကျိုင်းဖောင်းကျေးရွာအနီးရှိ COVID-19 ကျန်းမာရေး စစ်ဆေးရေးစခန်းတွင် အောက်တိုဘာလ ၁၂ ရက်၊ နံနက်ပိုင်းက ငွေကျပ် ၁ ဘီလီယံကျော် တန်ဖိုးရှိ ဘိန်းဖြူများ ဖမ်းဆီးရမိခဲ့ကြောင်း သိရသည်။

.


.

ကျိုင်းဖောင်ကျေးရွာအနီးရှိ COVID-19 စစ်ဆေးရေးစခန်းတွင် အောက်တိုဘာလ ၁၂ ရက်၊ နံနက် ၉ နာရီအချိန်ခန့်က မိုင်းပျဉ်းဘက်မှ ကျိုင်းတုံဘက်သို့ ဖြတ်သန်းမောင်းနှင်လာသည့် Vigo အမျိုးအစားမော်တော်ယာဉ်အား တာဝန်ကျ ယာဉ်ထိန်းရဲတပ်ဖွဲ့မှတားဆီးရာ ရပ်တန့်ခြင်းမရှိဘဲ မောင်းနှင်ထွက်ပြေး သဖြင့် ပိတ်ဆို့ဖမ်းဆီးခဲ့ရာ ၉ နာရီခွဲ အချိန်တွင် ကျိုင်းတုံမြို့၊ ရပ်ကွက်(၁)၊ နောင်ရိုးလမ်း၊ ယာဉ်ထိန်းရုံးရှေ့တွင် အဆိုပါကားကို ကျဟဲ၊ ကျစောနဲ တို့နှင့်အတူ ဖမ်းဆီးရမိခဲ့ပြီး ပူးပေါင်းအဖွဲ့မှ မော်တော်ယာဉ်အားရှာဖွေရာ ယာဉ်နောက်ခန်းအတွင်းရှိ ဆာလာအိတ်များ အတွင်းမှ ဘိန်းဖြူ ၁၁၀ ဒသမ ၉၅ ကီလို၊ ကာလတန်ဖိုး ငွေကျပ် ၁ ဒသမ ၆၆၄၂၅ အား သိမ်းဆည်းရမိခဲ့ကြောင်း သိရသည်။

.

အဆိုပါ ဘိန်းဖြူများ ဖမ်းဆီးရမိမှုနှင့် ပတ်သက်၍ ကျဟဲနှင့် ကျစောနဲတို့ ၂ ဦးအား မူးယစ်ဆေးဝါးနှင့်စိတ်ကိုပြောင်းလဲ စေသော ဆေးဝါးများဆိုင်ရာဥပဒေအရ အရေးယူပြီး ကွင်းဆက်များ စစ်ဆေးဖော်ထုတ်လျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About