အောင်ပန်းတွင် စကားများရန်ဖြစ်ရာမှ မှန်ကွဲစဖြင့် ထိုးမှုဖြစ်ပွား - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Sunday, October 4, 2020

အောင်ပန်းတွင် စကားများရန်ဖြစ်ရာမှ မှန်ကွဲစဖြင့် ထိုးမှုဖြစ်ပွား

မင်းဇော်မင်း

.

ကလောမြို့နယ်၊ အောင်ပန်းမြို့၊ ညောင်ပင်ထောင်ရပ်ကွက်တွင် အောက်တိုဘာလ ၃ ရက်၊ ညပိုင်းက အရက်မူးပြီး စကားများရန်ဖြစ်ရာမှ မှန်ကွဲစဖြင့် ထိုးမှုဖြစ်ပွားခဲ့ကြောင်း သိရသည်။

.

.

အောင်ပန်းမြို့၊ ညောင်ပင်ထောင်ရပ်ကွက်၊ မြတ်လေးလမ်း၊ နယ်မြေ (၁) နေ ကျော်ဇင်ထက် ဆိုသူသည် အောက်တိုဘာလ ၃ ရက်၊ ည ၈ နာရီခွဲအချိန်ခန့်က အရက်မူးပြီး တစ်ရပ်ကွက်တည်းနေ ထွန်းမောင်နှင့် စကားများရာ ထွန်းမောင်မှ ကျော်ဇင်ထက်အား မှန်ကွဲစဖြင့်ထိုးရာ ကျော်ဇင်ထက်တွင် လည်ပင်းနှင့် ဝဲဘက်လက်မတို့၌ ပြတ်ရှ ဒဏ်ရာများ ရရှိပြီး အောင်ပန်းဆေးရုံသို့ ပို့ဆောင်ပေးခဲ့ရခြင်းဖြစ်ကြောင်း သိရသည်။

.

“ထွန်းမောင်က ၃၄/၃၅ နှစ်လောက်ရှိပါပြီ။ မနေ့က သူ့ပစ္စည်း၊ ဖုန်းနဲ့ဆိုင်ကယ်ကိစ္စ စကားများရင်းနဲ့လက်လွန် သွားတယ်ထင်တယ်။ သူ့မိန်းမကတော့ ကျော်ဇင်ထက်ကို ဆေးရုံမှာသွားကြည့်နေပြီ။ လူနာလည်း သက်သာလာတယ် ပြောတယ်။ ဒီမနက်မှ မောင်ထွန်း(ထွန်းမောင်) အဖမ်းခံပါတယ်”ဟု ထွန်းမောင်၏ ယောက္ခမတော်စပ်သူ  ဦးဝင်းအောင် က ကမ္ဘောဇတိုင်းသို့ပြောသည်။

.

အဆိုပါ မှန်ကွဲစဖြင့် ထိုးသူ ထွန်းမောင်အား အောင်ပန်းနယ်မြေရဲစခန်းတွင် (ပ)၁၆၃/၂၀၂၀၊ ရာဇသတ်ကြီးပုဒ်မ ၃၂၆ ဖြင့် ဖမ်းဆီးစစ်ဆေး ဆောင်ရွက်လျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About