ဟိုပုံးတွင် လျှပ်စစ်ဓါတ်အား လျော့နည်းရရှိမှု မဖြစ်ပေါ်စေရေးအတွက် ထရန်စဖော်မာများ တိုးချဲ့ဆောင်ရွက် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, October 9, 2020

ဟိုပုံးတွင် လျှပ်စစ်ဓါတ်အား လျော့နည်းရရှိမှု မဖြစ်ပေါ်စေရေးအတွက် ထရန်စဖော်မာများ တိုးချဲ့ဆောင်ရွက်

နန်းဝင်းရီ

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့တွင် မြို့နေလူထုများ လျှပ်စစ်ဓါတ်အား အပြည့်အဝ သုံးစွဲနိုင်ရေးနှင့် ဓါတ်အားလျော့နည်းရရှိမှု မဖြစ်ပေါ်စေရေးအတွက် ထရန်စဖော်မာများ တိုးချဲ့ဆောင်ရွက်လျက်ရှိကြောင်း သိရသည်။

.


.

ထိုသို့ ဆောင်ရွက်ရာတွင် ထရန်စဖော်မာ ၂ လုံး အသစ် ထပ်မံတပ်ဆင်သွာမည်ဖြစ်ပြီး ယခင်ရှိပြီး ထရန်စဖော်မာ များကိုလည်း ပြန်လည်ပြုပြင်သွားမည်ဖြစ်ကာ ရှမ်းပြည်နယ်အစိုးရ၏ ဘဏ္ဍာရန်ပုံငွေဖြင့် ဆောင်ရွက်နေခြင်း ဖြစ်ကြောင်း သိရသည်။

.

“လောလောဆယ် တုံခမ်းအဝင် သစ်တောရှေ့နားမှာ 200 KV ထရန်စဖော်မာတစ်လုံး ထိုင်မယ်။ နောက်ပြီး မြို့လယ်က ထရန်စဖော်မာကို ကောင်းအောင် ပြန်လုပ်မှာပေါ့။ နောက်နှစ် ၂၀၂၀-၂၀၂၁ ဘတ်ဂျက်ထဲမှာ မြို့ဦးရပ်ကွက်မှာ ၂၀၀ ဗို့ ထရန်စဖော်မာတစ်လုံး လုပ်ဖို့ရှိမယ်။ နောက်ထပ်လည်း လာဖို့ ရှိပါသေးတယ်” ဟု ဟိုပုံးမြို့နယ် လျှပ်စစ်အင်ဂျင်နီယာ ဦးမြင့်ထွန်းနိုင်က ကမ္ဘောဇတိုင်းသို့ ပြောသည်။

.

ထို့အတူ ဟိုပုံးမြို့၊ အနောက်ရပ်ကွက်၊ ဆွမ်မီကျောင်းလမ်းနှင့် တောင်ရပ်ကွက်တို့တွင်လည်း အများပြည်သူ အန္တရာယ် ကင်းရှင်းစေရေး အတွက် A 95 ဓါတ်အားကြိုးများဖြင့် အစားထိုး လဲလှယ် ဆောင်ရွက်လျက်ရှိကြောင်း ၎င်းက ဆက်လက်ပြောဆို ခဲ့သည်။

.

ဟိုပုံးမြို့တွင် မြို့ပေါ်ရပ်ကွက် ၆ ခုရှိပြီး တစ်နှစ်ထက်တစ်နှစ် လူဦးရေနှင့် အိမ်ခြေ ထူထပ်များပြားလာမှု၊ စီးပွားရေး လုပ်ငန်းများ တိုးချဲ့လာမှုနှင့်အတူ လူနေရပ်ကွက်များ အတွင်း အသေးစား စက်မှုလုပ်ငန်းများ လုပ်ကိုင်နေခြင်းကြောင့် လျှပ်စစ်ဓါတ်အားရရှိမှု လျော့နည်းလာပြီး ဓါတ်အား မတည်ငြိမ်မှုများ ဖြစ်ပေါ်နေလျက်ရှိကြောင်း ဒေသခံများထံက သိရသည်။

.

No comments:

Post a Comment

Journal Download

Photo of three cats

About