ဆီဆိုင်နှင့် ပင်လုံတို့တွင် စိတ်ကြွရူးသွပ်ဆေးပြားများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, October 8, 2020

ဆီဆိုင်နှင့် ပင်လုံတို့တွင် စိတ်ကြွရူးသွပ်ဆေးပြားများ ဖမ်းမိ

စိုင်းမျိုးမြတ်

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့နယ်နှင့် လွိုင်လင်ခရိုင်၊ ပင်လုံမြို့တို့တွင် စက်တင်ဘာလ ၆ ရက်က စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း သိရသည်။

.

.

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် အောက်တိုဘာလ ၆ ရက်၊ နံနက် ၉ နာရီခွဲက သတင်းအရ သက်သေများနှင့်အတူ ဆီဆိုင်မြို့နယ်၊ ကျောင်းချယ်-ဖက်နံသွားလမ်း ပေါ်တွင် ဖက်နံကျေးရွာဘက်မှ ကျောင်းချယ်ကျေးရွာဘက်သို့ ဆီဆိုင်မြို့နယ်၊ ဖက်နံကျေးရွာနေသူများဖြစ်သည့် တနိုင် (ခ) မောင်နိုင် မောင်းနှင်ပြီး ခွန်တလယ် (ခ) မောင်လယ် လိုက်ပါလာသည့် AIRWAVE အမျိုးအစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်မှ ပလတ်စတစ်ကပ်ခွာအိတ်များဖြင့်ထည့်ထား သည့် စိတ်ကြွရူးသွပ်ဆေးပြား ၁၀၀၀၀ ပြား၊ ဒေသကာလပေါက်စျေးတန်ဖိုးငွေကျပ်သိန်း ၁၀၀ အား တွေ့ရှိသိမ်းဆည်းရမိခဲ့ကြောင်း သိရသည်။

.

အလားတူ ယင်းနေ့ ည ၇ နာရီခွဲ အချိန်တွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များ သည် သတင်းအရ သက်သေများနှင့်အတူ လွိုင်လင်မြို့နယ်၊ ပင်လုံမြို့၊ ပင်လုံ-လဲချားသွားလမ်းပေါ်တွင် မော်တော် ယာဉ်များအား စစ်ဆေးရှာဖွေမှုများပြုလုပ်စဉ် လဲချားမြို့ဘက်မှ ပင်လုံမြို့ဘက်သို့ ကျေးသီးမြို့နယ်၊ ရပ်ကွက်(၂)နေ စိုင်းစံညွန့် မောင်းနှင်လာသော မော်တော်ဆိုင်ကယ်အား ရပ်တန့်စစ်ဆေးရှာဖွေရာ ဆိုင်ကယ်ခွကြားတွင် တင်ဆောင် လာသည့် ဆာလာအိတ်အတွင်းမှ ပလတ်စတစ်ကပ်ခွာအိတ်များဖြင့်ထည့်ထားသည့် စိတ်ကြွရူးသွပ်ဆေးပြား ၁၉၈၀၀ ပြား၊ ဒေသကာလပေါက်စျေးတန်ဖိုးငွေကျပ် ၁၉၈ သိန်းအား ‌တွေ့ရှိသိမ်းဆည်း ရမိခဲ့ကြောင်း သိရသည်။

.

အဆိုပါ စိတ်ကြွရူးသွပ်ဆေးပြားများ ဖမ်းဆီးရမိမှုနှင့် သက်သက်၍ သက်ဆိုင်ရာ နယ်မြေရဲစခန်းများတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေ ဖြင့် အမှုဖွင့်အရေးယူပြီး ကွင်းဆက်များ ဖော်ထုတ် စစ်ဆေးလျက်ရှိကြောင်း သိရသည်။

.

No comments:

Post a Comment

Journal Download

Photo of three cats

About