ကျောက်မဲတွင် ရေဆိုးမြောင်းအတွင်း စွန့်ပစ်ထားသော မွေးကင်းစကလေးတစ်ဦး တွေ့ရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ကျောက်မဲတွင် ရေဆိုးမြောင်းအတွင်း စွန့်ပစ်ထားသော မွေးကင်းစကလေးတစ်ဦး တွေ့ရှိ

မိုင်းထွန်း

.

ကျောက်မဲမြို့၊ အမှတ် (၈) ရပ်ကွက်၊ နယ်မြေ (၁) ရှိ ရေဆိုးမြောင်းအတွင်း၌ ယနေ့ အောက်တိုဘာလ ၂၅ ရက်၊ နံနက်ပိုင်းက ကြွပ်ကြွပ်အိတ်ဖြင့် ထုတ်ပိုးစွန့်ပစ်ထားသည့် မွေးကင်းစ ယောက်ျားလေး တစ်ဦးအား တွေ့ရှိခဲ့ပြီး အနီးရှိ စားသောက်ဆိုင်ပိုင်ရှင်မှ မွေးစားထားကြောင်း သိရသည်။

.

.

အမှတ် (၈) ရပ်ကွက်၊ ရေမြောင်းအတွင်း  ယနေ့ အောက်တိုဘာလ ၂၅ ရက်၊ နံနက် ၄ နာရီခွဲ အချိန်က ကလေးငိုသံ ကြားသဖြင့် ကလေးခေါ်ယူမွေးစားထားသည့် အမျိုးသမီး၏ မောင်ဖြစ်သူမှ သွားရောက်ကြည့်ရှုရာ ကြွပ်ကြွပ်အိတ်ဖြင့် ထုပ်ထားသည့် အနှီးထုပ်အတွင်းမှ ချက်ကြိုးမဖြတ်ရသေးသည့် မွေးကင်းစ ကလေးငယ်ကို တွေ့ရှိခဲ့ခြင်းဖြစ်ကြောင်း သိရသည်။

.

အဆိုပါ  ကလေးအား မွေးစားခြင်းနှင့် ပတ်သက်၍ သက်ဆိုင်ရာ အုပ်ချုပ်ရေးနှင့်  ကျန်းမာရေး ဌာနသို့ အကြောင်းကြား ထားပြီး ဖြစ်သည်ဟု သိရသည်။

.

Journal Download

Photo of three cats