မိုင်းယောင်းမြို့နယ် ကြက်ခြေနီတပ်ဖွဲ့ လူနာတင်ယာဉ် ဝယ်ယူနိုင်ရေးအတွက် မြို့နယ်သံဃနာယကဆရာတော်မှ အလှူငွေများ ပေးအပ်ချီးမြှင့် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, October 12, 2020

မိုင်းယောင်းမြို့နယ် ကြက်ခြေနီတပ်ဖွဲ့ လူနာတင်ယာဉ် ဝယ်ယူနိုင်ရေးအတွက် မြို့နယ်သံဃနာယကဆရာတော်မှ အလှူငွေများ ပေးအပ်ချီးမြှင့်

စိုင်းအောင်ဇော်လင်း

.

တာချီလိတ်ခရိုင်၊ မိုင်းယောင်းမြို့နယ် ကြက်ခြေနီသူနာပြုတပ်ဖွဲ့တွင် အရေးပေါ်လူနာတင်ယာဉ် ဝယ်ယူနိုင်ရေး အတွက် မြို့နယ်သံဃနာယကအဖွဲ့ ဥက္ကဋ္ဌ၊ ဟိုခုံပရိယတ္တိစာသင်တိုက်ဆရာတော် မဟာသဒ္ဓမ္မဇောတိကဓဇ ဂန္ဓရသဝံသော က ယနေ့ အောက်တိုဘာလ ၁၂ ရက်နံနက်ပိုင်းတွင် အလှူငွေများ ပေးအပ်ချီးမြှင့်ခဲ့ကြောင်း သိရသည်။

.


.

အလှူငွေ မြို့နယ်သံဃနာယကအဖွဲ့ဥက္ကဋ္ဌ ဟိုခုံပရိယတ္တိစာသင်တိုက်ဆရာတော်က လှူဒါန်းမှုနှင့်ပတ်သက်၍ ဩဝါဒမိန့်ကြားပြီး ငါးပါးသီလခံယူဆောက်တည်ကြကာ ကြက်ခြေနီသူနာပြုတပ်ဖွဲ့မှူး ဦးသန့်ဇင်ဦးက မိုင်းယောင်းမြို့နယ် ကြက်ခြေနီ သူနာပြုတပ်ဖွဲ့တွင်  အရေးပေါ်လူနာတင်ယာဉ် မရှိသေးသည့်အတွက် လူနာတင်ယာဉ်တစ်စီး လိုအပ်လျက်ရှိပါကြောင်း ရှင်းလင်းလျှောက်ထားသည်။

.

ထို့နောက် ဆရာတော်က အရေးပေါ်လူနာတင်ယာဉ် ဝယ်ယူနိုင်ရန်အတွက် အလှူငွေကျပ် ၂ သိန်းကို ပေးအပ် ချီးမြှင့်ရာ မြို့နယ်ကြက်ခြေနီသူနာပြုတပ်ဖွဲ့မှူး ဦးသန့်ဇင်ဦးနှင့် တပ်ခွဲမှူး ဦးစိုးမြတ်ဟိန်းတို့က လက်ခံရယူပြီး ဂုဏ်ပြုမှတ်တမ်းလွှာ ပြန်လည်ဆက်ကပ်ကာ ကျေးဇူးတင်စကား လျှောက်ထားခဲ့ကြောင်း သိရသည်။

.

မိုင်းယောင်းမြို့နယ်ကြက်ခြေနီသူနာပြုတပ်ဖွဲ့သည် COVID-19 ရောဂါ ကြိုတင်ကာကွယ်ရေး အသိပညာပေး လုပ်ငန်းများတွင် ပူးပေါင်းပါဝင်ဆောင်ရွက်လျက်ရှိပြီး မတော်တဆမှုနှင့် သဘာဝဘေး ဖြစ်ပွားချိန်တွင် အသုံးပြုရန် အရေးပေါ်လူနာတင်ယာဉ် လိုအပ်နေလျက်ရှိရာ အလှူရှင်များအနေဖြင့် ဆက်သွယ်လှူဒါန်းနိုင်ကြောင်း သိရသည်။

.

No comments:

Post a Comment

Journal Download

Photo of three cats

About