မောက်မယ်မြို့နယ်ပညာရေးမိသားစုမှ ကျန်းမာရေးစစ်ဆေးရေးဂိတ်အတွက် Automatic Temperature Detector စက်နှင့် အလှူငွေများ ပေးအပ်လှူဒါန်း

စိုင်းမျိုးသန့်

.

လင်းခေးခရိုင်၊ မောက်မယ်မြို့နယ် ပညာရေးမှူးနှင့် ပညာရေးဝန်ထမ်း မိသားစုများမှ မောက်မယ်မြို့အဝင် ကျန်းမာရေး စစ်ဆေးရေးဂိတ်အတွက် Automatic Temperature Detector စက်တစ်လုံးနှင့် အလှူငွေများကို ယနေ့ အောက်တိုဘာလ ၁၇ ရက်၊ နံနက်ပိုင်းက သွားရောက်လှူဒါန်းခဲ့ကြောင်း သိရသည်။

.

.

မောက်မယ်မြို့အဝင် ကျန်းမာရေးစစ်ဆေးရေးဂိတ်တွင် နေ့စဉ် တာဝန်ထမ်းဆောင်နေသော တာဝန်ကျဝန်ထမ်းများမှ မြို့နယ်အတွင်းသို့ ဝင်ရောက်လာသူများကို ကိုယ်အပူချိန် တိုင်းတာရာတွင် ထိတွေ့မှု အနည်းဆုံး ဖြစ်စေရန် ယင်းကဲ့သို့ Automatic Temperature Detector စက်တစ်လုံးနှင့် အလှူငွေကျပ် ၂ သိန်းတို့ကို လှူဒါန်းခဲ့ခြင်းဖြစ်ကြောင်း သိရသည်။

.

ထိုသို့လှူဒါန်းရာတွင် မောက်မယ်မြို့နယ် COVID-19 ရောဂါ ကာကွယ်၊ ထိန်းချုပ်၊ ကုသရေးလုပ်ငန်းကော်မတီ ဥက္ကဌ မြို့နယ်အုပ်ချုပ်ရေးမှူး ဦးဟန်သူရနှင့် အတွင်းရေးမှူး ဒေါက်တာမြမြသန်းတို့က လက်ခံရယူပြီး လှူဒါန်းမှုအပေါ် ဂုဏ်ပြုမှတ်တမ်းလွှာများ ပြန်လည်ပေးအပ်ခဲ့ ကြောင်းသိရသည်။

.