.
မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် သက်သေများနှင့်အတူ ရွာငံမြို့နယ်၊ ရွာငံ-ကျောက်ဆည် သွားကားလမ်းတွင် တားဆီး နှိမ်နင်းရေး လုပ်ငန်းများ ဆောင်ရွက်နေစဉ် ရွာငံဘက်မှ ကျောက်ဆည်ဘက်သို့ မိုင်းရှူးမြို့၊ ရပ်ကွက်(၂)နေ ဇော်ဇော်ဦး (ခ) ဇော်ဦး စီးနင်းမောင်းနှင်လာသည့် မော်တော်ဆိုင်ကယ်အား ရပ်တန့် စစ်ဆေးရှာဖွေရာ ဆိုင်ကယ်တွင်တင်ဆောင်လာသော ဆာလာအိတ်အတွင်းမှ စိတ်ကြွ ရူးသွပ်ဆေးပြား ၅၀၀၀၀ ပြား(ဒေသကာလပေါက်စျေး တန်ဖိုးငွေကျပ် ၅၀၀ သိန်း)အား တွေ့ရှိသိမ်းဆည်း ရမိခဲ့ခြင်း ဖြစ်ကြောင်း သိရသည်။
.
အဆိုပါ စိတ်ကြွရူးသွပ်ဆေးများနှင့် အတူ ဖမ်းဆီးရမိသူအား ရွာငံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေဖြင့် အမှုဖွင့် အရေးယူထားကြောင်း သိရသည်။
